照計應該係咁

很多朋友非常好奇為何我會選讀fashion，

自知小妹沒什麼fashion sense又不是何許型人，

沒有設計與藝術底又唔知點解會入到creative direction，

再得知本人未來根本無意在fashion industry參下一腳，

滿腦問號又覺得我只是胡亂選科根本沒有任何目的可言。

老老實實在此又沒有很放心機在時裝部分，

在這邊一直自學自看的都只是文化歷史九唔搭八之事，

猶如中小學階段有教科書唔讀但滿屋皆是與學業無關之書籍，

從前朋友們到家中拜訪看到那巨型書櫃上林林總總數百本怪書，

但很抱歉，

就是沒有教科書，

默默觀察一下小妹櫃中收藏都只得一句：你睇黎做咩？

其實當別人問我看來有何用時，

我真的很想回問咁你平時做啲咩，

在學時一年兩個學期，

每隔數天就會有一本新書出現在小妹的書桌櫃桶，

久而久之識路的好友們常在我的櫃桶裡找(偷)書看，

為免麻煩十次有十一次都唔見哂啲書出門時就順手就多帶一兩本，

結果我的教科書永遠都放在locker，

用了N年的Agnes B黑色三用返學袋中就只有兩三本教科書以外的書。

成績沒特別驕人作品大多都只是正常交得，

中學時永遠挾中文之名帶多一科最高分就由得理科零分，

你理得我數學交白卷零分Chem十分都考到頭十名夠膽死考第五添，

近期好似好多野做但其實又唔知自己做緊乜，

上個星期好似睇緊銀河系、深海與中國煙火，

星期一睇緊政治表演學，

前日睇緊Pina Bausch現代舞，

琴日又竟然睇緊楊凡，

而家...

我想睇張曼玉與周潤發的那套玫瑰的故事。

而重點係沒有一件關乎今個term應做的project，

中學過後都接近兩年，

以為自己好似大個左，

諗返起，

其實又好似無咩點變過，

意見接受，

態度又係照舊。

話說回頭點解我要讀fashion？

因為我覺得fashion比較岩我寫野風格第時對我寫野吹水有幫助囉，

加上從小受各大報章雜誌薰陶追看之專欄十居其九涉及時裝範疇，

咁倫敦啊嘛咪讀科型啲囉第時要扮文化人呃飯食都好似名正言順啲嘛，

同時因為以creative direction之名沒有太大的邊界，

你問我無啦啦睇楊凡做咩，

咁今個term拍fashion film啊嘛，

同時我要睇張國榮鍾楚紅啊，

咁拍fashion film啊嘛。

而家個個都係睇左張cert知你咩料先決定聽唔聽你廢嗡架啦，

如果盛女大作戰啊Santino唔話自己係兩性專家你估班港女會唔會彩佢四十五度啊啦，

或者隨機係電視聽到有個叫Santino既路人甲叫你四十五度，

你睇你又會唔會咁得閒去攻擊佢啊啦；

又好似早兩日係朋友屋企睇動新聞得知Santino有個fd叫Instant，

由於佢係Santino d fd，

所以我覺得佢改個咁既on9名又真係make左sense，

同埋你估人人都可以著螢光桃紅色恤衫發哂姣架？

咁我讀fashion啊嘛。

王迪詩話齋，

點解佢會生存到就係因為你地覺得港女無可能識咁多野，

全世界港女都無咩內涵只係識睇蘋果動新聞架啦，

都係果句其實我好正常，

朋友話我成日用實質行動去違反一般人心目中既“照計應該係咁”，

其實只係而家香港女仔個個差唔多，

就好似大部分女仔唔睇波但我睇波，

人地讀fashion為get into the fashion industry而我唔係，

有少許唔合常理就好似好特別咁姐。

再者，

老豆問起，

細個係屋企亂睇書唔溫書最後又係被逼要溫書，

而家我話我要做文化人你理得我啦老豆咪嘈啦，

都好似好交待啲。

－

一早叫你唱Jazz架啦，

扮咩鬼mk仔做rocker，

9叫留返比Mr.啦，

你睇人地Mr.夠膽死將哥哥神曲怪你過份美麗毫無破碇地逐粒音完美摧毀，

你何必同佢地一般見識。