話說琴日朝早起身好毒地臉唔洗眼鏡唔戴鼻完美地貼住部Macbook Pro,
老豆過黎問我搞咩我答打文,
三分鐘後話打完文一齊去飲茶,
佢驚訝地話三分鐘就搞掂衰女hea做,
然後發現自己係英國真係學到咩叫Less is More,
講真如果人地見到個Blogger咁既鬼樣打文都應該唔知點樣接受現實,
多愁善感之下諗起倫敦日程唔止吃喝玩樂嫖賭飲吹,
實實在在真係有學野得到少許工作能力,
無白食老豆啲英鎊。
可喜可賀,
即刻踢對拖陪老豆落街飲茶熱烈慶祝,
順手歡迎胡總到港嘛,
中共正式接手香港行政區喎,
從此香港就和諧美好啦,
可能下年小妹個blog親切到中共兩個字進化為偉大的愛人同志,
噢,
我的愛人。
-
返黎香港七日已經積聚一定程度既口臭,
有時講完某啲巴神顯靈單刀直入point非常踏實地踢德國出局後,
即刻三省吾身,
由其近期睇完Audrey Hepburn個仔本An Elegant Spirit,
良心發現覺得自己簡直係魔鬼化身作孳何其多,
心理開始唔係幾平衡係時候搵神父告解,
算啦,
人生苦短,
賤咀折壽,
但保持心境愉快好似會增壽,
打返個和都唔至於太早香消玉殞。
-
唔知痴邊條線返黎突然叮一聲諗通左啲野行少女路線,
老豆話嘩Marc by Marc Jacobs啊女你又受左咩刺激?
自從返黎之後做咩都俾人問受左咩刺激,
咁唔刺激邊得黎暴風女神的後現代快樂人生。
由於Prada無時間性可以Pra到完場,
趁而家仲有幾年扮青春少艾唔Marc還待何時啊法官大人,
螢光粉紅喎,
生命無take two。
-
SERIOUSLY,
而家心亂如麻地等緊凌皓嫦帶我去食奶黃包,
但佢唔見左,
佢.唔.見.左。
唔想再受二度傷害,
由於晚晚睇波關係,
心靈非常弱小,
完全放棄自己生命鋪緊路做頹廢大文豪,
無再打算效返好個Jetlag,
讓我與足球同歸於盡吧。
返黎七日,
足.足.七.日.都.食.唔.到.奶.黃.包,
what a joke,
再食唔到應該可以寫返本我的淒怨人生 - 凌皓嫦失蹤篇。
-
法官大人小妹仲未搵到凌皓嫦,
真係好sad好depress,
需要猛男保護與安慰,
真係想做一陣港女版Audrey Hepburn。
-
睇下哲學順手思考下人生,
啊唔知巴神下場數西班牙幾多球呢,
巴神巴神,
收西班牙皮重任正式交俾你,
最多嬴左之後幫你著一年衫啦。