SherryYeung夢遊仙境

今日老豆打黎叫左聲sherry姐，

姐前姐後三分險小妹真係唔敢當，

知你努力左好幾日難得地等到你個女一千零一次聽電話，

近排喜愛夜蒲不孝左成個禮拜，

成個voicemailbox都係呀媽叫我打返屋企，

叫一個人馬座自己住認真覆水難收，

自由自在你叫我返屋企其實真係唔太想返，

有時望住個電話震唔想聽就唔聽，

自己一個人係房安靜無人嘈你時，

真係覺得自己係一隻無腳既雀仔，

就算無野做，

都唔係好想講野。




近排朋友好鍾意問我一啲好inspiring既問題，

其實你地都可以問我唔介意解答你地既問題，

本週最hit係俾唔同人問左N次“到底我點解會九唔搭七地識到你仲要同你咁friend”，

我唔係想逃避當初認識你地時帶俾我既hidden創傷，

小妹真係完全don't have a clue，

自從mentally解放後進一步詭異地搭錯線，

有時真係唔知搭左去邊個星球，

集郵地識落好多九唔搭八奇人。




最爆係今日小妹著黑色斗蓬紅格頸巾坐巴士去london bridge，

有個疑似石內卜黑色頭髮應該萬年無洗過既人坐隔離話自己come from史萊哲林，

手執一包jelly beans問我食唔食柏蒂全口味豆，

oh well，

其實小妹係sirius black個女朋友，

志願係做變形師come from雷文克勞，

其實天狼星仲未死係我屋企，

過兩日我會帶佢去london bridge散步到時call埋你，

記住唔好話俾人聽。




真係日日都愛麗絲夢遊仙鏡，

前晚去跑步我都未講見到架motorcycle(電單車?)撞barclays單車，

我嘗試一下形容因為三言兩語真係好難解釋，

咁一架私家車撞單車機會率好大因為一架相對地比較大，

但motorcycle同單車兩個體積相約而且應該易控制無理由會避唔到架單車，

後面架motorcycle竟然係tyre撞tyre咁炒落架單車度，

仲要單車個人只係跌一跌motorcycle好杜文澤地飛左落行人路，

唔好意思成件事真係唔係好make sense，

而我當時係笑左。



－



今日遊下遊下左腳kick右腳如果kick親個角度多30度就即時飛出馬路，

而就係果一秒有架車係小妹對Dr.Martens前一毫米擦過，

然後開始有flashback浮返起好多兒時片段，

呀媽話我成日好學唔學學埋老豆橫衝直撞亂過馬路，

由細到大都係咁綠燈唔過係都要行去無交通燈既地方過，

下一個片段我見到何詠琪係新世紀廣場外一條馬路講左句粗口之後，

捉實我同王日雅阻止我地衝出馬路俾車撞死，

我終於明白點解所有朋友過馬路都會捉實我，

多謝你地，

請你地繼續，

我以後唔會多咀嘈住哂聲稱我大個女唔洗你地理，

其實我係要架thanks。




又話說唔知幾時同朋友去飲野見到個吳彥祖咁款既mix，

唔洗講咁多一秒感動鍾意左啦，

轉身諗住say個hi嘩你好靚仔，

一企起身，

哈哈thanks，

hello細佬你好似無160喎打多啲籃球啦知無，

而家啲小朋友真係早熟，

係英國好處係你可以用廣東話狠狠地即時同朋友傾訴十分鐘等朋友聽聽你個心底夢，

唔怪得我愈黎愈pure愈true。




我係時候返地球訓覺，

早抖。