我個余文樂呢，真係對我好好架。

每個港女生命中，

都至少有一個余文樂，

勁過你得一個沈佳宜。




“張志明某程度上是余文樂的一個面貌，

同時又代表著某群典型港男，

無論生活態度、對女生的想法，

那種玩世不恭、拖泥帶水，

都似曾相識，

像我們當年那個未能付托終生的EX。” －JET P.55




同一道理：

楊千嬅某程度上是余春嬌的一個面貌，

同時又代表著某群典型港女，

無論對生活態度、對男生的想法，

那種欲拒還迎、斬釘截鐵，

都似曾相識，

像我們當年那個未能成功讓我停下來的EX。



－



“女人太主動，

男人會驚，

不是覺得你唔好，

係好…………

但真係好煩，

其實我還未有這樣的準備，

男人會怕這些責任重大背不起，

其實男人永遠不會滿足，

永遠會圍埋講女人……”




然後我whatsapp一位人生永遠介乎於追與唔追之間既港男，

劈頭一句：

“你真係好煩，

責咩任，

你而家驚得黎我又唔見到你到時會點樣好man地負責任，

你再唔追人第時就有排你受。”




同一道理：

男人太被動，

女人會火都黎，

不是覺得你唔好，

係好…………

但真係好煩，

其實拖拖拉拉拖到幾時，

女人會怕你覺得要背負好大責任，

其實女人好易滿足，

永遠會圍堆力數自己條仔有幾好，

開頭第一句八成係：“我個余文樂呢，真係對我好好架”，

即使十居其九你真人都只係一個仆街。



－



“人是很奇怪的，

未一齊的時候會覺得大家好岩，

一齊左又覺得好似唔係咁岩。

例如張志明會覺得余春嬌年紀是大了一點，

而余春嬌又會覺得張志明這種死o靚仔還是靠不住，

大家心中有條刺，

剛好張志明被派去外地工作，

就分開了。”



女仔好多時都真係想搵個靠得住，

但真係到...二十開始啦，

就會覺悟男人真係靠唔住，

而同齡男人又同時覺得你做咩要大得咁快。



可能我真係老啦，

今個月開左唔夠十日已經講左五次定六次：

“男人真係好幼稚。”，

而有位看透世事既朋友都話“頂，我真係好幼稚，but I just can't help。”，

and somehow某些男人會諗廿歲之嘛你趕住去邊，

sorry，

我唔係趕，

我只係on the right track而你falling behind。




－




人一世流流長，

總會愛上幾個人渣，

大家都唔想，

但就係發生左。




Fine,

Nice to meet you,

人渣。




And Hi,

其實我都唔好得去邊。




多多指教。