120分鐘死亡直播

由於利物浦遇強愈強遇弱愈弱特性，

踢曼城出局我唔意外，

入決賽後，

發現對家係英冠球隊Cardiff City，

心知不妙，

簡稱中伏。



一直以黎，

我唔敢大聲同人講利物浦嬴硬，

由其係阿仙奴球迷面前，

佢地上年尚且輸俾英超伯明翰，

我地更柒一輸就輸英冠，

真係盡量低調啲好。



－



一開場，

嘩一分三十六秒就shoot on target，

喂嬴硬啦whatsapp send broadcast msg串下阿仙奴先。



噢，

利物浦與小妹人生歷程極為相似，

邊有咁容易就得到幸福啊，

哈哈，

十九分鐘輸一球。




即時摺埋Facebook與Iphone都係低調啲好，

直至六十分鐘，

嘩skrtel追和啊真係無死啦今次，

通常我衰開到最後都半帶負碌嬴返轉頭。




和，

加時三十分鐘。




點解搞到好似對付巴塞咁= =

V : “哦 利物浦啊嘛 正路喎”。



－



<<補時三十分鐘>>



一早叫左你出古治換卡路爾架啦，

死角入1:2，

都話你唔痴埋lucas個壞朋友度就成才，

嘩捧盃啊六年啦終於捧盃眼濕濕添。



三分鐘後..

差啲俾人追返，

好彩有古治頂住。




仆街，

臨補時完場四分鐘又追和，

互射十二碼，

到底點解次次都要搞到咁先安樂，

利物浦十二碼on9開，

收皮啦今次真係，

快手收埋利物浦條頸巾先真係唔好俾人見到。



電話響，

一黎就勁大聲狂笑，

喂呀sher好柒喎利物浦，

sherry : 我唔知講咩好 呆哂好似發緊夢 點解會搞成咁
Kelven Hu : 我只係知要第一時間打俾sherry
sherry : DLLM 可唔可以唔射12碼啊X你個X
Kam Wong : 嘩爆哂粗啊佢
sherry : 我唔係想爆粗 我係唔知俾咩反應好



－



重口味十二碼：



第一球謝拉特，

噢，

唔入，

小妹好冷靜。



跟住對家十二碼唔入尖叫，

無死啦無死啦今次嬴啦，

然後..

啊你老味查理阿當你柱都唔中仆街點解人買我買我專買水貨廢都算十二碼都唔識射屌那星炒飛機？！卡路爾係咁蘇亞雷斯係咁個撚個都係咁頂你個肺連謝拉特都係咁你幾歲啊謝拉特十二碼你都唔識射邊有可能射正中間你係咪on9啊望住龍門對手黎射你係咪返老還童變幼齒第一日射十二碼啊....（下拆一萬字）。



oh well..

我唔入時，

人地都中兩球柱，

激戰至最後一球十二碼定生死。



Kam : 喂你地好似無哂射手

Sher : .. 唔係出蘇亞雷斯卦

Kam : .. 哈哈哈哈哈哈哈GLEN JOHNSON 出個閘黎射最後一球生死十二碼

Sher : 到底點解利物浦要搞到咁折墮對英冠球隊搞到好似史詩式巨著咁



喂，

入左。

噢。

利物浦仍然係一隊極具娛樂性既小學雞球隊，

我暫時諗唔到有邊隊英超球隊對英冠球隊要踢到好似巴塞對皇馬咁，

物似主人形，

浮誇dramatic係都要搞到好艱鉅先安樂，

如果人生得一知己的話，

我諗我已經搵到。



搞咁大場大龍鳳，

最後，

都係嬴，

雖然我真係唔明利物浦廢成咁點解會拎到聯賽盃。



:D

良夜儘管有毒

行運。


食。


肥。


開心。


隻腳瘀哂。


我諗我近排食左幾百鎊落肚。


完。




近排又勁飲醋上癮，

呷醋咁少女唔岩我，

我地個性比較鮮明所以prefer直接飲，

兩條友成pack成pack咁買一pack八包買左幾pack，

人出醋我地出錢出命，

睇幾時胃出血吧啦。




seriously，

見到朋友們對fashion week發哂癲，

的確有少許心虛，

近排都只係上style.com望兩望，

因為sorry熱血係早前menswear已經燃燒完畢。




但話哂LFW係咁而著得懶係型少少，

俾人snap左無限次，

仲要次次係最狼狽落雨啊返full day放學啊之類影，

第一日出去snap到決定出去買條菜都要上黑紅眼影，

今個禮拜做足一個禮拜project，

所以頂佢個肺對眼俾mascara連續痴左五日朝九晚十一真係火都黎，

前日仲驚覺對眼發炎，

我發誓下個禮拜除左去睇波之外絕對唔會再用眼影，

BTW星期日利物浦唔該嬴返個carling cup，

輸俾Cardiff City我會即刻上Facebook delete你。




哦，

完，

that's all for my london fashion week，

thanks。



－

陰天過後變天晴

“成世流流長，總會愛上幾個人渣既。”

早兩日有朋友同我講過同一句野，

當時反應係其實somehow我都係一個人渣。



而好耐之前朋友問我撞返某個人渣會講咩，

好本能反應地話爆粗鬧爆佢，

最後真係唔好彩見返佢，

當時都只係好似楊千嬅咁say左聲hi。



原來高登個粗口filter非常人性化，

hi，

的確係粗口代名詞，

係好多人心目中hi就已經算係爆左粗。



睇黎我身為余春嬌萬事俱備，

但就係個人渣唔係余文樂囉。



如果人渣個個都好似余文樂咁靚仔，

成世流流長，

我唔介意愛多幾個人渣。




－

原來小妹同唐生住咁近，

大家隔離鄰舍差7分鐘車程，

你就避暑山莊連肉蒲團地下行宮，

我呢，

唉，

真係唔好提，

貧富懸殊。



老豆日日開車經過當睇戲咁睇，

佢做左咁多年construction都未見過咁多架高架車對準同一間屋，

我都好想返香港見證歷史時刻，

可惜，

人在英國，

隔岸觀火。



且看下回，

鷸蚌相爭，

漁人得利，

葉劉VS范太。



－



五窮六絕七翻身今次仲唔輪到我!!!!!!!!

朋友話齋，

衰到盡頭物極必反，

電話跌落馬桶都整得返。



[認真]成件事好amazing，

apple store連問都唔洗問，

去chinatown一個鐘整好完全無事，

等我仲捨命陪君子食左兩餐勁既，

幾時都話唐人街卧虎藏龍地底有好多秘密。



利物浦6－1brighton，

嚇呆左之後望望原來連carroll都入波你抵死有突啦，

睇返highlight蘇亞雷斯十二碼唔入，

brighton條友頭頂腳兩球OG跟住傷出，

再整多球自己踢入去，

最後有裸男狂奔，

咁富娛樂性既快樂足球得利物浦先有，

不愧為我最愛。



－




wish me luck,

我仲相信自己命不該絕。

紅屋頂上的野孩子

廿年來我所擁有的都得來不易，

父母從小教育世界沒有免費午餐，

學校從小教育朋友真的得來不易，

一切一切，

都靠自己一手經營。



不是特別聰明，

沒有特別漂亮，

不是特別懂人情世故，

沒有特別堅強，

不是特別可愛，

現時擁有的一切現實假象，

由個人一手建立，

反正沒有付出，

哪有收穫？



好像有點功利，

做事總帶目的，

但基本上想得到的最後都會得到，

得到後不會感謝上帝，

因為真的實實在在付出過大量努力與心力，

改變自身既定條件去得到我想要的事與物，

改變某些物件的既定用途去開創自己的一套使用方法，

最後，

為自己感到驕傲。



－



不聰明就去死讀爛讀，

讀得多睇得多自然識用腦，

從不相信世上有蠢人。



智商或許是天注定，

但思想是人造產物，

懂得獨立思考的人蠢極有限，

我的文字、偶而伶俐的口才、間中高速轉數全是學回來的。



老實說小時候認識我的話就知根本沒有天份這回事，

偶然放鬆是一個可以一星期不說話的人，

這世上沒有平凡無聊的人，

所有人出生時都是公平的，

一切都是自身一手建立，

其實就算是聲音的運用，

我都是從小特地去choir朗誦與辯論學回來。



－



不漂亮就去學化妝讓自己美麗，

第一件事是要接受自己的樣子真正長怎樣，

了解自己的眼耳口鼻長處弱點再作適當的修飾，

當然現在成精了就學會如何用化妝表達自身想要的感覺。



為何有些人會化到自己與雜誌一模一樣，

就是因為她們在逃避自己本身，

那是抄襲，

不是改變。



抄襲會使你被正規化，

改變能使你被個性化，

反正我的妝常常化十次才成功一次，

至少敢去嘗試，

成功一次就夠用一輩子。



還是那句，

要真正成為一個有自信的人，

首先要了解自己是一個怎樣的人。



－



人情世故我更沒資格說吧，

看以往的經歷簡直人見人憎，

到現在我還在學如何成為一個成功的PR，

會假嗎？

當我清了世界是一個靠PR運作的舞台這一個concept，

就會明白如何避重就輕又能表達自己意見。



朋友說我愈來愈恐怖，

不慌不忙就能把自己的思想軟性植入別人腦中改變別人，

有些時候硬拼沒用，

最終誰能控制大局，

他她就是成功那人。



達到自己的目的，

同時讓人感覺美好，

何樂而不為？



－








堅強可愛不是出生就大局已定，

當你人生需要面對一些事時，

自然會變得堅強或可愛，

所以有些朋友說他她不能堅強時，

我會說一句只是他她們不想堅強，

反之亦然。



這是人之常情，

堅強是很累的，

這陣子學會了原來除了強硬堅強外，

偶而是可以帶一點可愛柔軟，

反正天生就不是注定要強硬度日，

何不有空就撒撒嬌。



有些時候接受自己是一個小妹妹，

又或是一時三刻接受女孩是有資格撒嬌的社會定型，

其實都幾爽，

由其我早就學會撒嬌的聲音，

真的呃得下人，

人生在世，

最重要還是大家開心吧。



－



反正有些人總覺得自己成功靠天份，

有些人覺得自己一生就只能這樣了，

我是那類從不被命運牽著走的人，

所以常常自己創造一堆麻煩，

然後努力一下又好像成功了。



成功的那些人其實付出了不自知，

平凡的那些人其實埋沒了不自覺，

反正大家都在努力地生存著。



打這篇文是因為一位認為自己很平凡的人讓我想通了一些道理，

一些很簡單，

而我從沒發現的道理，

他同樣沒發現，

自己是一個很好的人。



－



至於愛嘛，

朋友昨天說，

這是件終身學習的事，

不要遺失自己的信仰，

終有一天，

是會找到自己的黃色大門與紅屋頂。




別要求綺麗的魔幻現實，

但腦內還是可以幻想，

終有一天，

樂園，

是可以靠自己創造浮現。




這叫信念，

信念與現實，

是可以分割的，

而有信念的人，

才會懂得去愛。

話說情人節..

係一個社會現象。



而我為左迎合社會做個平凡人，

決定跟機。

上圖為小妹我本人，

我唔會輸俾你地，

咁串個個去睇wyman演唱會何韻詩陳奕迅激咀啊啦，

絕交，

收線啦係咁。



－



近排個人變得好random，

可能因為讀fine art成個人都fine art左，

突然去selfridges傾幾粒鐘計，

突然去食燒鴨油雞飯，

一分鐘後突然轉彎去食滷肉飯，

其實我真係想食燒鴨，

不如今個禮拜真係去食燒鴨，

home home地sick。



琴晚成晚無訓，

諗清楚自己到底做緊乜，

結果又係唔到疑似絕路都唔會突然諗通，

諗通左，

其實都唔係咁差。



－

玫瑰味macaron，

成件事好味到唔make sense，

由於完美絕對唔會係小妹身上發生，

所以咁好食一定係伏黎，

突然好想食玫瑰味Turkish Delight。



今個Easter去Berlin&Paris，

其實有冇人想去Madrid姐，

真係好想去，

Florence/Venice都無所謂，

有意請致電。



－

朋友見到我啲指甲火火地，

你咪理我啦，

當貼揮春沖下喜，

再唔係你搵個靚仔俾我沾返啲陽氣，

我身邊啲所謂男人90％都姐手姐腳，

我諗搵返個靚仔就可以逢凶化吉。



－








兒時第一次參加學校sing con唔知點解會唱<<勇>>，

真係宿命黎，

三歲定八十，

咁多歌唔揀係都要揀隻咁唔吉利，

唔怪得我而家咩都如窮追一個夢，

sad but true共嗚x100，

沿途紅燈再紅，

無人可擋我路，

望著是萬馬千軍都直衝，

不停循環從不間斷仲勤力過7-11。



－

今日同朋友skype笑到不能，

我都唔明點解我會陪你癲，

可能fine art fine到精神錯錯地亂，

多謝你句喂原來夾孿頭髮真係性感啲，

我會考慮下剪齊陰因為好似幾好睇。



好些幸運兒已經收到小妹whatsapp清明宣傳照，

恭喜你地，

因為one&only收藏品黎，

少啲交情都拎唔到，

你都見啦我只會放罕有美麗一面出黎呃飯食繼續行走江湖，

友誼萬歲真心覺得你地好幸運。



蒙羅麗莎只是一幅畫，

如何豔壓天下，

全球仍然wyman無限loop，

真係把心一橫去唱K吧啦。

不需要完美得可怕

太快樂，

如何招架，

殘忍不好嗎。




中學返學途中必聽，

陰公，

聽足七年，

真係變晶片植入腦變philosophy。




雖然我個外八字41號大腳爛鞋小腿粗壯加膝頭傷患百摺死都唔過膝短裙行路姿勢已經深入民心，

但有時一路行一路聽會覺得自己拍緊MV盡量行得悽美啲，

我仲係好驕傲自己有齊盧巧音同何韻詩所有碟(實物)，

另外齊碟仲有方大同傅佩嘉，

根據而家樂壇狀態，

其實我有資格開盧巧音博物館。





被世界遺棄，

不可怕。



喜歡你，

有時還可怕。




沒法再做那些牽掛。




灰燼裡，

被徹底消化。




我以後，

全無牽掛，

什麼都不怕。

那些屬於我們的故事

想當年，

抱著頭聽這首歌哭得肝腸寸斷，

現在想起，

真傻仔。



歌聽過千百次，

舞台劇看過幾十次，

心裡最角落的潘朵拉盒子仍被重重鎖上，

勞斯眼前的黑布依舊，

萊斯心中的回憶依然，

底牌，

還是沒有被揭開。



勞斯與萊斯七年後在台上重遇，

仍然隔著一道迷牆，

第一次學會愛，

無論是真是假，

那種震撼，

足以埋下人生未來方向。



永遠的忍耐，

永遠不出來，

世界，

就依然不曾而且不會變改。



－










上年九月離開九龍城時，

附近美麗的舊建築都被貼上紅色田生banner，

最愛的公和豆腐花已經不太對味，

鄰近的大廈都開始進行翻新工程以對抗轉角位天價penthouse一億三千六百萬的威脅，

生活了接近十四年的家同樣宣告進行大廈翻新，

還有四個月就回家了，

看來路痴連回家的路都再認不了。



耀眼煙花，

隨著記憶落下，

繁華像幅廣告畫，

這地球有樂園，

會像這般嗎？



－









個人兒時最愛何韻詩盧巧音與傳佩嘉，

李蕙敏是在個人喜好清單中又一位紅歌不紅人的歌手，

我的那個清單還在樂壇有得撈的只剩何韻詩，

小時候的cd機有(你沒有)好結果，

早兩年才知道這位歌手名叫李蕙敏。



Sherry Yeung 經過愛、恨，先會學識原諒，無得跳step。恨到最後，突然有一日就會發現“原來自己過得很快樂，只我一人未發覺”。其實李蕙敏隻(你沒有)好結果中最傷最痛係佢自己，但經過"強烈地恨"既過程後，就會學識再見二丁目同那誰。反而我覺得世界無恨的話，好難學得會真正原諒。呃自己無恨過的話，多數唔係真正原諒，只係為面子而假裝原諒。

6 hours ago ·  ·  1

－









傳說中，

痴心的眼淚會傾城。



個人不太喜好張愛玲，

為了許美靜的這一首歌，

我看了人生中第一本張愛玲。



現在，

世界不會為了你的眼淚而把霓虹熄掉，

話題盡了世界不會變得冷清，

煙花不會謝，

笙歌不會停，

所以，

你只有紅著眼睛，

幽幽地看著這個吵鬧的孤城，

繼續上班上學去，

然後，

慢慢再忘記如何掉眼淚。









－









後來，

我還是繼續唱拼命唱，

沒華麗舞台，

谷底照開張。



這個時代有著我，

仍是能一洗灰暗，

哈哈哈。



－

這十年來做過的事 

能令你無悔　驕傲嗎 

那時候你所相信的事 

沒有被動搖吧 

對象和緣份已出現 

成就也還算不賴嗎 

旅途上你增添了經歷 

又有讓稜角　消失嗎 

軟弱嗎 

你成熟了　

不會失去格調吧 

當初堅持還在嗎 

刀鋒不會　磨鈍了吧 

老練嗎 
你情願變得　聰明而不衝動嗎 
但變成　步步停下三思　
會累嗎 


快樂嗎 
你還是記得你跟我約定吧 


區區幾場成敗裡 
應該不致　麻木了吧 


快樂嗎 你忘掉理想　
只能忙於生活嗎 


別太遲　
又十年後至想　
快樂嗎

一再問究竟

朋友說了一件往事，

還清晰記得當時，

他崩潰著找我們，

印象很深刻。




自那天後，

我的心裡多藏了一個潘朵拉的盒子，

另一個是我自己在多年前埋下的，

打開了我會玩完，

所以一直藏得很好，

屬於別人的，

就只有他的那一個。




他自我放逐了一段時間，

一再逃避快將兩年，

反正所有人很清楚，

真正治療只有面對，

那天他跟我一起看失戀33天時，

突然說起如此的一段往事，

有邏輯地說，

沒感情地說，

其實這才是令我哭的原因，

一段他突然很想說的故事。




故事很短，

應該慶幸，

因為沒有人希望它延長一秒，

或是加長一個字，

有些故事你會想它一直到走到永遠，

有些故事你卻知道不能讓它發展下去。




那天，

他愛上了一個聲稱對自己一見鍾情的人，

他們過了一段很美好的時光，

什至說要出國結婚，

這段童話長達一星期零四天，

第五天，

那個人消失了，

第六天，

朋友像是領悟了什麼，

第七天，

他去做了愛滋檢驗，

第八天，

他來找我們，

第九天，

他回英國了。




然後是發問時間。




“那你....?”

“沒中招，如果我告訴你我中了，你現在會離開我嗎？”

“會，我只是一個平凡人，但一個星期後就能完成接受。”

“那不能提的原因是?”

“回英國前一天，我發現他有女朋友。”

“噢。”

“我對愛已完全失去信心，我認為他是有目的才接近我。”

“所以你第一件事去驗愛滋，而不是去找他問原因?”

“我的選擇裡沒有去問他這個option，只有被騙了和早知道有蠱惑。”

“接著，我很想那一個曾經真正傷害我的人出現。”

“噢.. 原來真正的原因是“you-know-who”，難怪不能再提。”

“別對愛失去信心，當心裡這一塊崩壞了，永遠都不能重建。”





那不只是夢醒了，

那是夢完了的震撼，

我希望自己的夢還沒有完，

發夢的意識還沒有真正的完，

才二十歲，

應該還有Quota。




從前孩子踏著陳百強的影子問哥哥為何雙眼紅腫，

梁漢文長大了明白為何哥哥當晚要獨個避靜，

那雙眼，

成為他一生的記認。




我希望自己能拖得一日得一日，

雪已下完，

但夢還沒有完，

應該未。










－

“我想我找到了自己為何一直企圖試圖把電話弄壞的答案” (inspired by周柏豪)




今天飲水時不小心把水倒在身上，

事後我用了十秒欣賞頭髮上的小水點，

發現水點在頭髮上比平常靜止於杯中形態更美，

然後我用了三十秒拍照，

再用毛巾把頭髮整理一下，

這短短的一分鐘，

算是今天我思緒最混亂的時間，

打翻了的水杯，

是我今天看過最麻煩的東西，

而水潑在iphone上的那一剎那，

房間裡出現了最美好的粗口聲音。




原來人生覺得最爛的事情，

真的是最糟，

因為更糟的，

是早前已把Blackberry弄壞，

飲水時，

其實iphone一直就在眼前而未曾發現，

又或者根本就是自己，

想換iphone4s。



thanks.




－

你地又係時候幫我貼mon貼，

sorry,

今次有進步足足用左個半月，

thanks.

摧毀與被摧毀

自製day off，

同朋友去CSM library做research，

J: 你做咩又係度睇sociology,你本fashion sketchbook呢？
S: 嗱
J: 做咩成本sociology黎既,fashion呢?
S: :(
J: 同我放低本globalization上去搵fashion books
S: :(

汲取教訓以後去library要自己去。




次次去親CSM都見到個日本仔，

嘩最鍾意yohji yamamoto頹廢長髮青年，

仲同我撞袋添，

今鋪仲唔命中注定，

同朋友講嘩頂crash啊撞死我吧啦，

佢見我ipod播緊大浪漫主義話抵俾人officially label為食肉獸，

快d黎hold me in your arms啦日本仔 :D




再望望我手上本書話：

“叫你唔好睇sociology，

你就走去拎本biology，

你到底係咪黎做野架姐。”

我話：

“有啊，

咪做緊research囉，

個model一於用日本仔，

今日好productive啊。:D”




睇睇下見到以下妙句，

“Every second, the typical adult male produces 1000 sperm.

Over a lifetime, he may produce as many as 12 trillion sperm.”




然後我得出以下結論：

“唔怪得啲男人成日唔諗去邊啦，

原來佢地真係咁忙，

女人一個月一粒，

佢一秒一千粒，

分分鐘幾千萬上落，

無時無刻都谷緊上腦，

之前唔明點解佢地成日覺得自己好man，

迷團終於解開，

女人排卵期女性賀爾蒙高行路會特別吸引，

男人無時無刻都男性賀爾蒙緊唔怪得佢地成日都覺得自己好man啦，

我知有啲唔係扮架，

佢地真係以為自己好有型，

唉，

如果我啲女人味可以keep超過一個禮拜就好。”




由呢一分鐘開始，

朋友無再阻止我睇biology，

佢鼓勵我繼續努力，

我真係覺得自己今日好productive。




－

琴晚放學返屋企時大樓仲健在，

今朝出門口已經全幢消失，

原來只需一個決定，

曾經人們費盡心力經營過既事物，

數小時或只需一秒就能親手徹底摧毀。

－

是日最震撼睇左一本講Iran毒品問題既相集，

由成年男人吸毒 > 成年男人一齊吸毒 > 吸毒死係草叢 > 女人吸毒

女人同呀媽一齊吸毒 > 全家一齊吸毒 > 小朋友睇住屋企人吸毒 > 青少年吸毒

拾荒者係街頭收集針筒去賣 > 一名女販毒犯行刑前祈禱  > 一名女販毒犯被吊死 >

十個販毒犯係同一個行刑場同時被吊死




太震憾，

到而家都仲係啞口無言，

最深感受係當地種無力感。



前面有人吸毒，

或者吸毒死係街頭，

後面人若無其事行過。



男人打針腳打唔入仲流緊血，

又同時去搵手臂血管。



再一張小朋友睇住父母吸毒，

我睇時好想帶走個小朋友，

但你深明佢將來又會係另一個小朋友面前吸毒。




然後望望老人為搵錢賣二手針筒，

吸毒者身處社會環境惡劣，

成個社會就好似有層無形壓力覆蓋，

窮，

絕望，

當人搵唔到出路時，

就只好接受既定循環，

無止境地重覆與沉淪。




再望望佢地因為吸毒而暫時解脫，

無能為力改變，

無能為力地生存，

無能為力地被社會摧毀，

無能為力地摧毀自己，

無能為力地摧毀下一代，

無能為力地接受被摧毀，

無能為力。

沉悶晚上相約度過

朋友介紹了一套國產電影，

他說裡面女主角有一個很好的同性戀朋友，

就致電給最好的同性戀朋友來一起看，

最重要的是他很有才華會煮飯執屋，

我病了，

我不要煮飯，

我不要執屋。




他一進門就問我發生什麼事，

我病了，

遺傳性咀唇泡疹又發作了，

他看到桌上的必理痛，

緊抓著我的肩搖了十秒。

一邊跳一邊尖叫，

楊麗珊!!!!!!!唔受得西藥啊唔准再食啊!!!!!!!!!!

幾痛都唔准食啊!!!!!!!!

搖完後我直接倒在床上裝出死狀，

咁人地胃痛訓唔到先食一粒嘛 :(

他看著我那個腫到扁不了的咀，

而且看在我要嗲gay佬走投無路份上，

給了我一個大大的擁抱，

就去煮飯了。




看著看著，

伏在他的肩上哭了，

他摸摸我的頭，

提出嚴正警告咀腫已經好柒，

如果連眼都腫化妝真的遮不了，

明天還要上一整天的學。




他永遠都是那麼溫柔惡毒，

抱著他那二十四寸的纖腰問：

你係咪真係gay架，

你唔好扮gay，

最憎人呃我。




佢回應，

就算佢唔係gay，

都唔會愛上我，

所以無必要呃我，

然後我哭得更慘，

頂你個肺把口真係好賤，

算啦算啦見你煮飯份上，

好啦好啦見你誠實份上。

看這套戲時想起很多自己作過的孽，

我知道代入角色這件事很小學雞很師奶，

一路喊一路俾人鬧唔好咁核突唔想同個師奶睇戲，

都話病嘛由我一次咁多啦，

連個咀都腫埋啦無人比我更加有權代入角色架啦，

有一秒很想跟ex們道個歉，

你們當時都與我的好勝強悍大戰數千會合，

好吧，

但我還是不會認輸的，

我還是會自己回家的。

他看到桌上有花，

笑問一句情人節怎樣過？

想了十秒跟他說，

多看一套電影吧，

但還是要你煮飯。




他說，

好啦好啦，

暫時約定先啦，

但有好人真係要飛撲過去，

你知你啦，

生命無take two。




你把口真係好毒。




－













近日又聽朋友傾訴，

其實係意識形態問題，

根本無人會贏，

大家都係輸，

係要"認為"自己好似嬴左，

定係"假設"自己谷底浮遊，

positive or negative。




講多都無謂，

講完十秒唔夠一如往常佢又跌返落去無間地獄，

我都唔知講過n次叫佢算吧啦，

現實就係現實，

簡單講一句認真就輸了，

最後勝利VS手下敗將，

主動VS被動，

反抗VS捱打，

當年學生妹時期都唔知聽過幾多次手下敗將鍾無艷，

玩到最後又咪係同一個得出一個結論：

For what?

吱吱吱(雀仔mode)

有時真係想認真買個headphone，

買親都係一時衝動貪靚貪型，

其實我個marshall major高音真係飄到仲衰過百幾蚊國貨，

早排仲一心認為佢假以時日係會穩定，

對唔住，

佢行性格路線所以都仲係飄到火都黎，

即係好似小S好鍾意果種走音與無走音之間，

或者佢係rocker啦一高音就飄假音，

又或者係我對耳仔愈黎愈麻煩，

誠心advice唔好(只係)貪靚仔，

好多時以為自己無死啦買到梁朝偉其實只係執到件陳冠希，

靚仔都要有用先得。



sad but true，

有用得黎其實大前提都係要靚仔。



－



早兩日有人問我而家咩擇偶條件，

一句：

靚仔。



－



我身邊出現一堆好關心我部iphone既人，

幫我貼monitor protector，

幫我袋住部iphone，

佢地想盡力減低部iphone爆玻璃機會率，

當我危險地落樓梯時，

佢地關心部iphone多過我本人，

終有一日我會act like a 3-year-old cute girl專登跌爆佢，

然後要其他人放返個焦點落我度，

好似以前咁當我皇太后扶我落樓梯，

我呷醋(認真)。



－









唔記得幾時陪friend去飲酒，

聽到以上首歌，

然後聽到某part出現justin bieber式尖叫聲，

justin bieber已經成功毀滅地球sosad。




當時可能飲左酒不自覺地係咁笑，

近排唔知做咩一係(無意)引人笑一係自己笑，

上次係primark買床單見到個黑人勁笑我又係咁笑，

佢走過黎話you have a cute smile，

我講聲you too跟住又笑足全程，

兩條友好似中左生化病毒，

而轉角位應該有人打緊喪屍。




講返轉頭買左鮮黃色床單加黑白間條duvet cover唔知點解覺得自己天生有型難自棄，

當見到鮮黃色床單同一鎊一件tee(用黎做睡衣)，

暫時我地都釋懷原諒左primark，

下次唔好再壓榨員工啦。



－



早兩日去canary wharf食byron，

食完打開門出去搭DLR時，

我用手指篤開道門試探一下敵方反應，

9秒9即時縮手唔肯出去因為真係好凍，

隔離個人又係度勁笑，

其實我真係應該入行做喜劇演員，

做諧星應該好成功一步登天拎最佳新演員。

話時話我啲衫認真fundamentally係廢，

連件衫本人都發冷，

之前有朋友話我件得個樣既褸只限係香港著，

前日另一個朋友話我件野疑似好暖其實又係廢，

琴晚落雪發現後悔已經太遲，

已經病左啦，

連一件有heart既褸都無，

睇黎心灰意冷要立下決心去搵撒瑪利亞。




我又用左半個鐘打廢話，

為世界帶來多一篇廢文，

thanks。



－



P.S.



岩岩見證一球goal of the week，

曼聯龍門雙手拍出彈落Evans隻手再撞入OG，

成個flow簡直係完美BRAVO！

咁大個女都未見過咁命中注定既own goal，

不嬲睇好Evans同De Gea搞串個場搞到曼聯四大皆空，

Sir Alex會留Evans係曼聯仲出正選簡直係英超第二大迷思，

第一當然都係史上最大轉會騙案利記賣費托去車仔。



Evans，

今場Man of the match走唔甩啦球手球咁靚，

真係食過下夜粥，

神奇頂級超卓，

費迪南球OG都無你咁靚，

congratulations  : )



然後因為個黑哨WEBB送兩球12碼曼聯追和，

對唔住今場man of the match係Webb，

其實我真係好少講粗口，

WEBB，

我DLLM。

高登廣告中的是草蜢非蝗蟲

對上一次去Canary Wharf已經成年前，

自從同Ravensbourne斷絕關係之後真係提親North Greenwich都心頭一震，

DLR經過Shadwell，

真係心跳加速點解我地會忍受到係Shadwell住足一年。




Shirley Yim我地真係好勁好犀利，

SHADWELL八個英文字母簡直係心靈創傷，

DLR播the next station is shadwell真係想選擇性失聰，

然後我推論竟然會想係宿舍多過Ravensbourne，

Ravesbourne帶俾我既心靈創傷應該已經到左選擇性失憶地步，

但我都應該對佢唔知做過啲咩所以佢忘記左我，

到而家為止，

一蚊refund都無收過。




Canary Wharf開左Tiffany's，

做banker果然係唔同啲，

我都想日日朝早係Tiffany's食Pret三文治做Audrey Hepburn，

只可惜這些機會不是我的。




上朋友屋企對住個HSBC睇paper，

感覺真係有少許唔同，

我終於明白點解香港人咁想係中環做野，

其實可以算係港人基本慾望。




－




間唔中會同ex們傾計，

本人男仔性格真係無咩所謂，

但你知啦，

女人，

唔係歧視但真係好麻煩，

由其當女人一見到"ex"個發音咀型都已經睥定先，

哦，

你提佢？

仆街啦你今次！




現任女友與ex係唔可以共存於同一個世界上，

sad but true，

事實勝於雄辯，

有啲男人認為自己好勁可以與現任女友happy又同個ex分享youtube笑片，

但世界話你知男人係無能力master呢件事，

所以盡量唔好試，

唔好認為自己有能力可以試。




有見及此，

我都幾識做，

聰明人醒目女，

做人大前提係唔好瀨野上身，

女人煩起上黎真係好麻煩。




－



雜思：



case1



早兩日講起dread knot頭，

問“佢地點洗頭”根本成個concept完全錯哂，

應該一黎就問佢幾耐無洗過頭，

平時閒日我都唔想洗頭啦，

dread knot擺明係唔想洗頭既產物本身性質就唔係for人洗，

你問一萬次“點洗頭”佢地都唔會答得出，

洗咩鬼姐，

換過佢咪算。




case2



今朝開course document，

發現兩個同名file，

咁我兩個都download，

開第一個佢話我fail，

我心諗唔係嘛一千二百字都fail？

send完個email俾course director之後，

再開第二個file。



我發現，

自己開錯file，

岩岩開個係resubmit guidebook。



屌。



朋友們十分鐘前仍然狂lol爆我text msg inbox，

我無咩求，

但求佢地唔好係我Facebook wall開post討論，

同埋Tony一如以往當個email inbox如浮雲，

阿們。




case3



其實之前都想問點解高登個廣告隻蝗蟲係綠色，

迷底終於解開，

因為隻野真係唔係蝗蟲，

係草蜢。









對唔住，

我真係原地笑左十分鐘，

上左一課寶貴既national geography，

然後記起兩個同名file中一個是resubmit guidebook非mark sheet就再笑唔出，

我早就知道同uni玩認真就輸了，

平機會你太睇得起自己，

同高登仔玩第一條法則都係認真就輸了。



case4


朝朝起身見到44個whatsapp msg都咪話唔驚，

一開見到中一朋友個group又係度嘈埋啲無謂野，

好溫暖。



好似返去無聊中學lunch時光去邊食飯都嘈三分鐘跟住又係食同一間，

唔知點解summer唔係好想返香港，

但一諗起可以返去同佢地打邊爐，

真係好想快啲暑假，

好想攬住佢地唔放跟住叫我死開，

好想被佢地圍住叫我收皮，

Honestly真係好鍾意你地叫我收皮，

好掛住你地。

過後(再度)變得抽象

昨天一起床就很想外出，

結果因為太冷了，

在家看了一整天雜誌，

晚上還是找朋友出去逛個圈。




當我即將出門時發現鎖匙不見了，

腦內有很強烈的聲音懇求自己別留在家裡，

鎖匙不見了但就是不想留在家求求你讓我出去，

找了數分鐘開始想放棄的那一秒竟然慌得想哭，

我不要放棄，

我真的不要放棄，

為什麼不懂得放棄，

但問題在於必須要放棄。




真的別再產生那念頭，

寧願趕自己出去結冰，

保存僅有的一點傲氣。




誰告訴你delete完後，

可以再add as a friend？

你估你真係玩緊Facebook？




delete了，

就沒有權利再add，

當你決定去send request，

requested as a friend，

你就已經輸了，

徹底的輸了，

而且注定你永遠都會輸，

不想輸的方法只有一個，

就是別再在search bar打他的名字，

連英文字母都不可以。




在愛情面前，

人真的什麼都不是，

但輸嬴是否如此重要？

我只可以告訴你，

如果輸可以換愛情的話，

我寧願不要愛情。




從來不相信認輸可以換來比較好的愛情，

人在愛前是卑微的這個理論或許是對的，

只是在我身上沒什麼作用，

只知道認輸會換來尊嚴被踐踏的後果，

而且別人不會真的更加愛你，

只會覺得你很可憐想憐惜你，

輸，

只會一直輸落去，

嬴，

只係令你唔再繼續輸。




如何做都會被踐踏，

何不讓自己認為自己嬴了？

自尊真的這樣重要嗎？

當連自己都不再重要時，

世界還有什麼值得關心？




有些時候，

確實需要承認，

真的不想自己一個在家看電視吃意粉。





－




又再開始發惡夢，

不能否認這是一種病症，

雖然我知這只是短暫情緒的反映，

但對我來說，

這是一種疾病，

是suffer。




有時真的很想問為何自懂得戀愛這件事後總是無止境地suffer，

但終究人會suffer是因為根本沒有意識想治病，

而且很多時suffer都是自己一手造成，

潛意識有“治療”這件事，

被前意識緩衝，

然後就再意識不到要治病這件事，

簡單說，

天生愛suffer，

欠抽，

沒有自覺就要靠法治來管。




有時我會責怪自己為何總要無聊地suffer，

這仍是一個我還未想通的問題，

或許想通的那天，

就是安定下來接受現實的那天吧。




人來人往，

卻只愛一些連他們自己都不知道是否愛我的人，

或許，

愛的根本不是人本身，

只是迷上那種suffer的感覺。




而再問問自己，

到底是否真的如此為那人著迷，

我會誠實地告訴你，

或許二十年來根本沒為過誰著迷過，

只是對那種感覺沉迷。

blogging迷思

早兩日係Facebook見到條黃子華棟篤笑影片，

佢話而家打blog就等於打傳記，

當你覺得自己係偉人時，

你就會想share自己日常生活一齊無聊逸事。




係啊，

honestly我真係打俾人睇，

細個時浮浮誇誇講野黑人憎地引人注意，

而家轉個安靜疑似比較優雅既方式浮誇囉。




我唔識扮個blog係打俾自己睇，

雖然成日自言自語，

講真唔想俾人睇既唔會打係blog放上facebook，

正如床照唔想俾人睇既話又點會成日唔見電話，

根本影得，

就預左俾人睇。




而家影相真係唔係要黎留念架啦朋友，

正如之前我忍唔住串左個“blogger”兩句，

有人反駁我“why not sharing?”，

佢即時打破我一直以黎既迷思，

係喎，

而家咩狗屎垃圾都要share架喎。




琴日睇paper時，

有一個example係Alfred Hitchcock套rear window其實係表現出現今社會media發展，

男主角跌斷腳坐係輪椅用望遠鏡透過窗戶觀察對面大樓窗戶內所有人既一舉一動，

期間佢觀察到一宗謀殺案而自找麻煩，

遙距控制grace kelly即係佢女朋友既一舉一動，

佢因為偷窺心態(即係你睇到人而人睇唔到你而覺得自己好似控制緊something)偷睇得好過癮同時，

唔好忘記佢係因為行動不便要靠grace kelly推佢先可以出到街活動，

即係somehow佢係強逼性地去睇對面大樓所發生既事，

而其實佢不能控制自己睇到咩只係人做咩佢就可以睇咩，

grace推佢去邊佢咪要去邊，

佢視野與行動都受到自身與環境所控制，

結論係，

你都無得揀架啦，

人地post垃圾你都係要睇。

不過我唔否認16歲媾到edison真係要留念既人生幾可，

其實我個人會比較想同文樂啊朝偉啊柏豪啊合照，

唔洗搞到上頭條架，

夠拎30個like創一創自己facebook事業高峰都已經心滿意足。

上一輩家醜不出外傳以和為貴最緊要解決件事，

而家現代人坦承相對有咩事就同你玩個玉石俱焚攬住一齊死，

反正，

都無得輸架啦，

你仲要臉架？

你咩年代架。

－

有時見到Facebook某些疑似鼓勵自己言論真係會火滾三秒，

"分享"，

s.h.a.r.e，

扮咩鬼同自己講野，

今時今日仲咁樣呃自己真係已經唔work，

可惜我都只係一個facebookholic早就跌斷腳，

但我一直以黎文章都make myself very clear，

係啊，

我係打緊俾人睇。




到底莫名既自信係邊度黎呢？

點解我會認為有人睇呢？

其實都係一個迷思，

因為我覺得係Facebook打個<3都有幾十個人like，

無理由我打成千字超額完成無人like卦，

但可以肯定既係有時得閒無野做，

我都真係會睇自己個blog，

而我又真係覺得自己個blog好好睇。




－




其實我打blog好俾心機，

我有一本專屬於打blog既dairy notebook，

平日出街會mark notes，

有時打之前會寫mind map試圖有返些少邏輯，

打完後會不停edit，

一係唔打，

一打都係要打到自己滿意為止。

曾經試過係hkblog鬧一個至今都仍然覺得佢好廢既人，

香港人最鍾意stereotyping，

我從來唔會信“做好自己就得啦”此等自我安慰模式，

真係整臭我個名，

大佬，

你打廢話唔緊要，

唔好影響我。




－




無無聊聊又一篇，

背後付出努力真係唔係你可以想像，

打blog最難就係睇落去好似effortless，

即係打到好似唔洗付出努力就完成一篇文，

個人最驚雕雕琢琢突然又加句後現代主義，

或者你寫開文都知，

最難唔係砌到篇文可以拎文學雙年獎，

最難係打到篇文自然得黎又唔係無腦。




由其近日收到廣告費通知，

雖然真係雞水咁多連本Moleskine成本費都收唔返，

有啲super blogger係咁而打下文，

人工至少都meet到香港最低工資，

然後上勞工署望望原來識adobe master pack,final cut pro,blahblahblah都只可以搵$5500一個月，

真係不如舒舒服服係屋企認真打個blog，

至少無人睇，

自己都可以睇。