時間的歌

或許有些人有些事，

真的勉強不來。



除了自己對自己不信任外，

半成長後，

已沒再花氣力在不信任我的人面前證明些什麼。



沒什麼需要證明，

向別人交待與否不會對結果有任何改變。



我認為應該向左走，

你卻認為應向右走，

而最終你選擇向右走，

已長大的我並不會如小時候般花氣力證明對錯，

如此，

你向右我便向左，

互不相干。



分別就只在走路時，

兩人會否再次交會，

碰到對方時，

點頭說聲好，

已經很足夠。



向任何人證明走左邊是對的，

不會對我的人生有任何影響，

向任何人證明走右邊是錯的，

也不會為我的生命增添優越，

勝負於我而言已不太有意義，

我在意的，

是我自己還是否非常了解自己應該向左走還是向右走。



對啊，

別人的信任與肯定，

在很久很久以前佔據我那膚淺生命的百分之九十，

現在需要的，

是自己對自己的肯定，

我要找回的，

是那些信任自己的依據與力量。



那股撐住墜落中自己的力量，

必須是那個正在墜落中的我，

當學會了擁抱自己，

才能無後顧地走下去。



我絕對不會浪費這數年來的淚水，

一直等於直至儲夠後，

這盒雨水將會持續滋養接下來的生活。



即使每天也需要哭，

也不會訴一句苦。



有些事是過程，

是必須經過必須走過，

我也會用盡全力的哭，

直至儲夠淚水的那天，

直至能完全肯定自己的那天，

直至能相信自己的那天，

直到再沒有任何原因需要向任何人交待與說明的那天，

我將會好好的把盒子收起，

好好的走下去。









你必須了解我無法繼續下去，

到未來那許諾之地，

在那裡我是那麼那麼愛你。

理想中的蒙馬特

巴黎最後一日行程去蒙馬特，

途經一間小教堂（其實係歐洲已經係小），

星期日有週日禮拜，

入去坐最後一行最後一個位安靜一下。



近幾個月唔太開心，

禮拜完畢後人群開始起身互相寒暄祝福，

而我仍然悶悶不樂安靜呆望人群來去。



突然一個法國小男孩拎住兩個紅色心型氣球走過黎，

問我要唔要氣球，

我用兩個Laduree Macaroon同佢交換，

佢捉住我隻手話：

Today it's sunday, everyone should be happy!

May god bless you.



互相擁抱後，

我希望小男孩能夠快樂安穩成長，

長大成人後，

仍然能夠具有體溫。



－

出metro站後要行一段長樓梯先能夠到達山上面既聖心堂，

沿途有少少似Barcelona行去Park Guell段路，

只係當初我仍然係一個year 1天真小朋友，

而家已經係一個迷失自己既final year半熟盛女。

全白色教堂，

內部無咩特別，

而家只係二十二歲已經覺得無咩特別的話，

確實唔知將來有咩可以再震撼到我。

由於weekend加聖誕節關係非常多人，

搵到Amelie間Cafe des 2 Moulins，

經過Van Gogh故居，

去過Dali與Picasso故居，

搵到La Boheme。

仍然係唔開心，

而一個唔開心既人最慘係知道自己唔開心。



-

坐係教堂外面俯瞰巴黎，

波希米亞區裡面有幾多個人真係擁有自由？

定係其實只係一個理型主義俾人上去哀悼自由？



好想好想永遠留係山上面某一間cafe永遠消失，

安靜地生活。



當然無可能發生。



如果可以發生的話，

我願意付任何代價。



－

之前去過所有旅行都未至於能夠對我有實質影響力，

我唔識好作狀地搞到件事好有教育意義，

我覺得去旅行只係去旅行唔好搞到做show咁。

但蒙馬特真係去過咁多地方中最浪漫一個，

係我心目中，

蒙馬特係我心目中係以理想什至到達夢想形態存活。



希望將來有一日，

我會搵到一個愛我既人，

靜靜地坐係聖心堂外，

望住全個巴黎，

耐心地陪我傾計。



我唔需要甜言蜜語，

只需要一個肯聽我講野既人。



希望終有一日，

我能夠搵到陳綺貞所講既「家」，

搵到一個真正屬於我既聖心堂。



白天忙碌，

晚上分享。



輕輕牽著你的手，

漫漫長路一直走。











“If you are lucky enough to have lived in Paris as a young man, then wherever you go for the rest of your life, it stays with you, for Paris is a moveable feast.”

― Ernest Hemingway, A Moveable Feast

年月把擁有變做失去

今日返學tutorial，

兩個字：「荒謬」，

單字一個：Ridiculous。



全班九成人除左尖叫之外，

無咩特別野可以發表，

當tutor唔知佢地自己做緊咩既時候，

我地只可以食自己，

最好當然自己知道做緊咩，

如果唔係結果只有攬住一齊死。



well dear tutor，

你要死係你既事閣下自理，

我貪生怕死所以並唔想死。



我未來仲有好多野要做想做，

你要浪費人生我並唔樂意陪你一齊癲。



經此一役後，

其實都唔止係今役，

大大話話都服左幾年役，

只希望真係如你今日所講：I hope this project will mean something in your life，

我find到我既meaning，

你都find到你既meaning唔好再誤人子弟。



同時都希望你無留意到我聽到你講以上句子時，

眼鏡之後個"what? you kidding?"式詭異眼神。



－



倫敦好凍，

凍到出街唔帶冷帽會頭痛，

tutorial完返屋企尖叫左一輪見到曼德拉過世，

想當年中三時曾經music day全班上台唱光輝歲月，

當時年紀細當然唔明白發生咩事，

只係記得讀書時歷史啊sir講曼德拉生平與功過，

教科書資料非常少，

乃係全書最薄既一個chapter，

而自己對Apartheid有興趣就略有研究重點去讀。



細個時覺得鬥爭好遙遠，

香港其實都幾和平美好。



大個之後明白，

自由平等並唔係與生俱來，

需要抗爭、需要血汗去擁抱，

香港美好大多屬粉飾而來，

就如當年貝理雅將英國brand成cool britannia。



當洗盡浮世鉛華，

盛世之下醜惡原形畢露，

曼德拉接近三十年牢獄並非獨行，

分別在於佢被實形生理囚禁，

其餘人們被思想牢獄軟禁。



黑白紅黃，

男女孿直，

貧富中產，

肥瘦高矮，

都只不過係世上其中一個平平無奇既人，

人，

生來享有自由意志。



全世界無人完全100％相同，

請接受呢個事實，

並尊重呢個事實，

you don't like it can just step away，

但無權利去干預膚色、性取向等等人權自由。



世界亦都無背後主宰造物主，

要我相信一切事物背後需要依靠某一個神，

將自己一切命運交俾某一個虛擬人物，

我會比較相信人係石頭爆出黎。



我唔需要任何人去救去寬恕，

我相信只有人類自身先有力量去推翻一切不平等。



年月將人類擁有既自由奪走，

而人類總有一日能夠靠雙手去攞返屬於佢地與生俱來既野。



Difficulties break some men but make others.
No axe is sharp enough to cut the soul of a sinner who keeps on trying, one armed with the hope that he will rise even in the end. - Nelson Mandela, 1975

雨水一盒

陳綺貞就快出碟，

兩隻單曲已經loop到倒轉識背，

琴晚發夢聽到「雨水一盒」其中一段：

「我感覺自己 完全的不可靠

我是我猜我會 慢慢瘋掉 最好不要」。



Final year頭兩個月，

主要覺得自己好廢，

本身個人已經好無安全感，

而家係十倍加強地無安全感。



感覺自己完全唔可靠，

當然個course係有問題，

但我本人都有大量問題，

好想逃避但逃避唔到，

好想逼自己又逼唔到，

應該好快就會痴線。



－


上兩個禮拜交完份好無安全感既功課後，

留左係屋企幾日，

然後忍唔住好想出街吹下風，

行去Westfield期間打返屋企，

結果係商場外同啊媽傾左兩個鐘頭電話。



當啊媽講「哎喲我以為你會返黎過聖誕添」既時候，

真係好想喊。


－


基本上已經習慣一個人生活，

每次想返屋企時多數都唔係因為痴家，

而係因為有野想逃避。



幾年來領悟到最佳逃難方法，

一定係走走走同埋離開，

當屋企有好多事發生時，

我又會好想返英國。



講到尾目的只有一個就係要逃避，

係死線壓頂逼住要面對之前，

心口只會掛住「唔好搞我」四個字，

由心而發地無勇氣面對一切，

但奇怪地又有勇氣逃避一切。



前年聖誕係房喊住過聖誕決定下年一定要返香港，

上年聖誕望住個iPhone喊住返香港，

上年暑假又係逃難式返香港，

基本上，

我係一個非常鍾意逃避既人，

香港有事返英國，

英國有事返香港，

逃避逃避逃避逃避到無得再逃避，

逃避到要面對，

面對完後，

又逃避。



今次好似好左啲，

雖然都係有逃避傾向，

至少今次知道仆街後要及早治療，

慳返段逃避時間其實（好似）可以做到好多野，

我唔知呢啲係咪叫做進步，

但叫做比較有建設性。



好似係。


－


係咪每個人year 3都唔知自己做緊咩同想做啲咩？

我第一年都仲知自己做緊咩，

但而家真係完全唔知自己做緊咩，

或者其實我知自己想做咩，

理想中都有好多野想做，

但係大學真係咩都做唔到。



可能我唔應該太認真地看待大學呢回事，

其實都只不過係guideline寫啲咩就跟住做啲咩，

唔好做多唔好做少岩岩好就夠，

anyway，

我都想自己係超級天才可以quit u離開呢個咁荒謬既地方，

但我唔係，

所以都係無得逃避。

Aidan or Big.. That's a question.

話說禮拜二交完功課，

我決定獎自己煲sex and the city。


睇sex and the city需要既係勇氣，

因為六個season真係夠你睇一世。


睇緊Big個賤人賤得咁可愛，

突然好想洗左手指上面Estee Lauder黑銀色指甲油，

上隻好似好斯文既OPI透明灰色，

我知無咩關係，

但有時一套好睇既電視劇係會令人想油指甲油，

另一個朋友煲美劇會好想食Brownie，

但我hmm......嘿食得多無益囉，

對上一次突然好有興致油指甲已經係睇半澤直樹。



唔好以為油指甲係一件小事，

睇幾分鐘電視，

低頭油一隻指甲，

再抬起頭睇幾分鐘電視，

有助(我)停一停諗一諗用下個腦思考劇情，

係一件非常philosophical既事，

人地沉思托下巴，

我沉思油指甲，

Fair。


well，

at least to me。


－


油完透明灰之後，

我覺得好悲傷。


屌我諗我一世都優雅唔到，

人地油完好似十指不沾陽春水，

我油完好似灰甲石化，

我諗真係要Natalie Portman先可以油透明灰而不失霸氣。


悲傷過後望一望個mon，

Big特登係Carrie生日由倫敦(其實應該係順手唔係特登/但特登好似浪漫啲)返Mahattan，

佢係門口等Carrie，

Carrie一開車門有一堆紅色氣球彈出黎，

雖然我好鍾意Big賤賤格格賴皮又細路仔，

但唔太鍾意Carrie係佢面前變得非常細路女毫無反抗之力，

望住Carrie拎左一堆紅色氣球跳住返屋企，

我突然諗起Miss Dior個氣球香水廣告。


Shit，

好想買Dior支紅色指甲油。


－


Aidan is great...............

佢係完美.....................

但我都係......................

prefer Big。


嘿嘿嘿。



Big係仆街得黎，

突然做返件好事會直中紅心囉。


又可能係佢套Giorgio Armani卦。

嘿。


－


睇黎我都係優雅唔到，

乖乖地做返個又紅又綠又橙既Bitch，

乖乖地做個嘈之巴閉又衝動既on9，

乖乖地做個講粗口紮All back既霸氣女神，

就好似Carrie，

煙永遠戒唔到，

Big永遠戒唔到，

永遠優雅唔到，

哈，

I guess I am (still) fine with who I am。



睇Sex and the city最重要係睇佢地四個點樣喪失一百次自尊都仍然企返起身，

Fing一Fing頭髮飲杯cocktail就No big deal，

呢樣野真係要有返啲經歷先做到，

係我仍未完全喪失一百Percent對自己既信心之前，

希望我都仲可以Fing一Fing頭髮又係一條女神。


－


聽緊Norah Jones與Green Day個Billie Joe Armstrong隻新碟，

雖然我唔熟Green Day亦唔明點解佢會同Norah Jones合作，

但隻碟係Norah Jones式country folk，

not bad，

but I personally prefer Norah Jones solo。



岩岩轉左聽Norah Jones，

Shoot the Moon。


我唔飲cocktail，

飲Lavender Vanilla tea，

有閒錢閒時買黎試下，

Twinings Sleep紫色包裝，

好好飲。


good morning，

and goodnight x



P.S.

Nars啲Blush非常好用，

Daisy Wong推介Sex appeal，

我用左Deep Thoart好多年，

的確係好好用，

nyt。