情定日落嘆息橋

五年前何韻詩推出了光明會EP，

聽了五首大同小異的光明會後，

響起一段我最愛的手風琴前奏，

看一看唱片封套，

那首歌，

名為嘆息橋。

閉上眼睛戴起耳機聽了三數遍，

輕柔倔強的她說：

“和你任性又好奇，

錯下去也錯得起。”

自此對它有了一個初步的印象，

那是一條讓人永恆地任性的橋。

－

憑著對嘆息橋的好奇，

找來了“情定日落橋”的VCD。

寂寞富有聰明的小女孩隨媽媽改嫁遷往法國，

遇見了法國同樣聰明卻窮困的小男孩，

就在那一刻，

小男孩愛上了小女孩，

小女孩愛上了小男孩。

女孩的母親發現了他們相愛著，

決定把女兒帶回美國阻止他們有進一步發展，

女孩最愛的詩人說：

傳說中，

只要在黃昏時刻鐘聲響起前，

在威尼斯的嘆息橋下擁吻，

他們的愛情就能天長地久。

於是，

她決定與小男孩私奔到威尼斯，

不惜一切地，

在橋下日落時分擁吻，

許下那永恆相愛的約誓。

－

慕著浪漫之名，

意大利旅程第一站強逼朋友們到了威尼斯的嘆息橋。

在那最佳的拍照熱點，

有著四五團說著不同語言的鴨仔，

有著無數部超級長炮，

卻沒有戀人在橋下擁吻。

或許後現代保持永恆的魔法是whatsapp，

朋友們忙著與各自的戀人報到check-in，

每十秒覆一次短訊，

每二十秒響一次短訊鈴聲，

iPhone隨身充電器夠膽死可以充滿iPhone五次。

情人身在異地，

浪浪下漫，

就地取材搵第個擁吻，

下年touchwood就到自己孤身去嘆息橋嘆息。

不能親身擁吻，

就先在whatsapp糾纏個天長地久吧。

－

對現代的永恆沒有興趣，

仍然源用著古法思念，

隨意拿著傻瓜機X10拍張硬照，

找了張椅子坐在河邊，

回想一下電影浪漫情節，

幻想一下自己是那女主角，

再反思一下為何自己如此清閒。

別說覆whatsapp，

其實，

唔好意思小妹根本連iPhone都無帶出街，

有對比，

即時了解到自己的失敗原因，

看來是時候檢討一下自己一直以來的錯誤媾仔心態。

－

嘆息橋的左邊為總督府，

右邊為死牢監獄，

囚犯從法院被判刑後，

從連接二地的橋走到另一端的監獄。

在橋上細別美好的風景，

輕輕長嘆，

詩人稱此橋為嘆息橋。

看看朋友們忙碌的whatsapp戀愛生涯，

就像在法院被判刑後，

走進婚姻監獄前，

在橋上輕嘆。

只不過是想要一個永恆，

原來，

發個誓擁個吻不足以得到上帝的祝福，

要得到祝福，

就要先抓住幸福。

看來，

在找到那個跟我一樣喜愛自由自在的人前，

還是乖乖看著別人長嘆就算，

自己不是那些糾纏的料子，

至少還未意識到iPhone是要廿四小時跟身。



“願已許了，

就滿足了。”



與情人在橋下擁吻，

不多不少的一吻，

已是我心目中最美的永恆。

                               

不難

有些事，

就讓我們永遠埋藏心裡，

沒必要說出來，

沒有這個必要。



有坦承的必要嗎？

看來沒有，

要說不難，

不說同樣不難，

就讓一切石沉大海。



反正說與不說沒差，

人生不會有大改變，

生活還是那樣過，

路還是那樣走。



反正說了，

人生不會比較順利，

困難還是那麼多，

增添一件，

減少一件，

爆破一件，

石沉一件，

沒差。



累了是累了，

力氣是沒有了，

每天惶恐中度過，

久而久之就不會再對世上的惶恐有著任何感覺。



當左耳再沒有任何知覺後，

很冷靜，

反正聽到又如何，

聽不到又怎樣，

人生還是要如常地過。



直到人累得沒力氣再冷靜，

戴起headphone發現失去了左邊的知覺，

才發現到事情的重要性，

失去了，

不可怕，

發現失去了，

才可怕，




昨天跟朋友平淡地說“我左耳沒有了知覺”，

就像在說家常閒事，

不慌不忙，

因為荒謬得根本連自己都不太相信自己在說些什麼。




deadline，

本以為已轉入直路，

又遇上有人遲到兩小時，

然後地鐵竟然暫停運作，

最後一組最後一個跑進hand-in room，

親手關門，

看著自己的best friend在後頭敲門，

才發現，

當你趕不上那一分鐘，

人生，

本來就是徒勞無功。



對啊，

那時的我還有著笑容，

到醫院看病後，

回家。



回家。



回那沒人的家。



特地下載了很多新歌，

很久沒有好好聽過歌，

冷靜地戴起headphone，

電腦播放著徐佳瑩的不難，

冷靜的戴起headphone，

怎麼沒聲音？



電腦壞了吧？

放到最大聲，

聽不到，

當真正發現失去時，

就會慌了。



那隻曾經聽著無數甜言蜜語的左耳失去了知覺，

沒有了，

一切都沒有了。



要哭嗎？

該哭嗎？

沒什麼知覺。



就連耳嗚都沒有，

完全地失去知覺。



但你要收回我左耳的知覺時，

有沒有想過我大腦還有知覺？



人就像失去平衡，

右耳突然很慌亂，

左耳突然很平靜，

然後因為突如其來的嘈雜失衡，

左邊的頭很痛，

左邊的眼很痛，

就只有一隻耳沒感覺。



只相隔數厘米，

就像一對男女，

頭與眼還愛著，

那任性的耳卻不愛了。



什至不能清晰聽到自己的聲音。



我最愛的聲音，

自己的聲音，

一直陪著我的聲音，

自己的聲音。



很累了吧，

想睡了吧。



拿起手機，

就連求救的勇氣都沒有，

勇氣？

別說勇，

連力都沒有了。



我只知道，

捱過這天，

或許明天一覺醒來，

就沒事了吧。



一如往常？

沒事了吧？

XIIX

XIIX

下雨天，

染紅了白玫瑰。

－

Queen's Diamond Jubilee，

節日冷感症候群，

從沒對任何節日有過深刻感覺，

十八歲生日，

平平淡淡與朋友中午去茶樓飲茶，

晚上與家人去太平館食瑞士汁牛河，

轉眼間，

就過了。

話說回來，

曾享受過一兩年很浮華的生日，

由於我的生日處於一個很有利的位置，

九月開學時不太熟，

十二月剛好六成熟，

踏進十二月第一天最適合一班人開個極盡奢華的嘉年華會，

蛋糕壽司禮物鮮花應有盡有。

十二月一浮華過後，

愈熟愈知得多，

愈知得多愈麻煩，

麻煩過後，

停一停，

諗一諗，

忽爾肉麻地回想起十二月一日那美好的日子，

托著頭發起姣懷念起當時，

只得一陣臉紅尷尬。

何況，

節日狂歡過後，

又需時間過度，

接下來心裡暗對明年有不同程度上的期待，

平淡的生活泛起了漣漪，

很容易有相對程度上的失望，

何不從一開始就不狂歡。

何苦為著一些無關病癢的事打亂自己生活，

人類的生活，

早就夠亂了。

慶祝與否，

反正沒差，

日子還是如常地過。

－

我們的快樂，

就像候車月台，

有人走，

有人來，

有人，

卻一直都在。

－

車站關門，

即使在大閘前舉中指只屬於事無補，

它不會管外頭大風大雨六月飛霜只得十度，

反正關門了，

就只能這樣了。

－

地鐵關了，

還有巴士，

要等多久，

只看你的造化。

冷嗎？

全身濕透了嗎？

穿不夠衣服嗎？

巴士還是會來。

無論要等一分鐘、三分鐘、四分鐘，

還是九分鐘，

要來的，

在途中的，

終究還是會來。

－

需要做的，

只是把oyster card充值，

或豪一點買monthly ticket，

預備好，

就夠了。

－

不理悶煩事情，

不見路過蜻蜓，

這新居多麼寧靜。

下年應該唔會唔小心見到艾沙雲，

因為寒舍位於阿仙奴酋長球場對面，

應該可以得閒搵雲佩斯飲茶，

如果雲加唔賣的話。

                                 

潮流與懷舊

自從過黎英國之後開始畫眼線，

第一支眼線筆係Benefit BadGal eye pencil，

第一次用驚為天人，

自此以後唔畫眼線唔出街，

但當時仲係新手級，

唔太慣有眼線，

對眼有時都match唔到眼線威力，

有形無實。



由於Benefit甩得太犀利，

俾朋友潛移默化轉用Bobbi Brown gel eyeliner，

甩都係照甩，

畫法複雜幾倍，

好快就放棄用返Benefit。



後尾幾經轉折買左支MAC，

自從有左MAC後，

日復日練習，

開始識點運用自己對眼攞著數。



直至而家用YSL，

由於超級無敵黑化學作用，

攻擊力大增，

加上自己本身唔太正經又唔知點解俾人覺得好精靈（一般正常情況下），

已經升左神級無人能敵，

有時行行下街無聊對朋友發動下攻擊，

有時想發動攻擊之前佢地已經講明嗱唔好搞我啊，

但一出招，

想食日本野又得，

想食byron's都得，

只要好有誠意地直視佢地對眼就得，

得左。



經歷咁多個寒暑，

換過三次眼線筆，

唯一不變係：

從未畫過一條正正經經既眼線。



可能係潛意識反社會，

反正全世界個個畫到條眼線一模一樣日本妹咁款，

我就永遠發自內心地畫唔出一條正常眼線，

唔係左右唔對稱，

就係手震，

一係就大細邊，

又唔上mascara，

再唔係就亂咁上眼影。



久而久之，

開始變左特色。



唔知有幾多個人可以將失誤夾硬屈做特色，

曾經有一次朋友話：其實你係唔係特登畫成咁？

實情係我真係求其是但得過份，

過份到係直頭變左特色，

但最緊要係佢地覺得件事岩數，

又例如蝴蝶結永遠打到好奇怪，

條tie永遠打到九唔搭八，

鞋帶永遠綁唔好，

當佢地忍唔住要幫我整返好時，

又覺得好似之前亂黎先岩數。



出親街例必有人話：你可唔可以整得好啲？

我不屑地講一句：你理得我姐。

成件事係態度問題，

無懈可擊。



－



岩岩同朋友傾電話，

得出以下結論：


1) 我有瘦過。

2) 開學時本身唔係好熟。

3) 幾個月後中伏。

4) 藝術家系列。

5) 我地成日係SU房拉布寫大字逃避上堂。

6) 當時同H.Y.Fung好熟。

7) 原來我成日企中間，what the fuck。

8) 我世界有好多陳樹暉.....(頂)

9) 見到屋企，完全無homesick，冷血。

哈哈哈，

但我都會返黎既唔洗驚，

唔俾面你地，

都俾面何韻詩蕭敬騰陳奕迅盧巧音hahahhaa.

你叫我做浮誇吧

我只想，

牽著你，

走到很遠的夢裡。



小木屋，

紅屋頂，

地址是一個秘密。



－



朋友晨早又殺上黎，

明顯地完全未訓醒，

開頭以為係House of Holland送貨先出去開門，

中伏。



起身睇下新聞，

其實點解香港咁無情？

就係因為一起身就見到yahoo新聞其中一則頭條係：

“香港 無情城市”。



HI!

世界係咪已經再無好事發生架啦其實？

你一日到黑不停emphasis世界已經絕左望末日架啦，

頭條唔係殺人放火就怨氣衝天，

有時真係可以有返少少幽默感，

輕鬆啲啦香港人，

唔係下下一定要死人先有人睇。



好似英國免費報紙實情係好無聊，

我專責睇體育版望下利物浦又輸幾球食下花生就算數，

近排英女皇Diamond Jubilee，

講到尾值得開心只係有一個禮拜bank holiday，

而我真係唔得你死bank holiday之後deadline，

但反正有野慶祝，

各界無所不用其極連union jack拖鞋都有得賣，

唔好㗰料咪大家一齊開心下。



得閒留意下香港報紙，

十份有九份頭條一定係驚天動地，

就算係好野，

例如有啊唔知邊個捱左N年終於入左唔知邊間名牌大學。



講真，

何止眼淚，

簡直寫到血都出，

勵志唔多覺，

只係覺得原來要搞到咁先入到大學好慘情，

sor，

完全唔覺得被啟發，

只係覺得佢好慘好同情佢。



仲記得我學校曾經有單學生打交，

學生打下無聊交寫到校園槍擊案咁，

標題"校園牒血"仲有滴photoshop血跡印章，

滴血分分鐘多過我同學俾人爆頭加起上黎所流過既血，

我都係睇完滴photoshop血先醒起應該要問候下佢，

流咁大滴血，

我諗都凶多吉少卦。



另一個重點，

明明敝校係何文田其中一間蚊型學校，

寫到天上有地下無，

名校墮落？

多謝你話我知，

讀左咁多年都唔知自己讀緊名校，

當時都虛榮左幾日，

又或者，

咁就叫香港式幽默卦。



－



岩岩睇到一則新聞：

“投訴蛙叫 聽濤雅苑捉蛙捱轟 專家：叫聲遠不及蟬鳴車聲”

嗱呢篇就有返啲創意啦。



第一：


“市區常有的小動物鳴叫聲，為冷冰冰的石屎森林增添一點自然氣息”

文學底啦你，

石屎森林咁冷冰冰，

多得青蛙貢獻良多，

你班仆街要捉人消滅人，

真係仆街到盡。



第二：


“水中見不到青蛙或蝌蚪，估計居民聽到的叫聲，
可能來自青蛙或蟾蜍，透過園內種植花草混入屋苑，
或遭人放生，於水池棲息”


我諗佢地係哈利波特啲朋友，

著住隱形斗蓬，

水中唔見青蛙，

但叫聲又應該係來自青蛙。



福爾摩斯加入戰團，

佢地應該係俾人放生既，

邊條仆街養青蛙啊。



聯邦密探都有幫手，

有幾隻青蛙混入屋苑喎，

仲唔係恐怖份子。



根本係hollywood大製作。



第三：


“牠們大多在夏季交配，並會發出低沉的鳴叫聲以吸引雌性注意，
屬自然現象，一般會在約一個月的短暫交配季節完結後消失”


你地自己係房交配時都有聲啦，

唔見你投訴隔離屋交配嘈親你，

又唔見你因為覺得嘈唔交配，

人地得一個月，

算啦。



－



唉，

香港人真係無鬼聊，

投訴無聊，

交稿個打份工逼住無聊，

用黎做頭條無聊，

睇個，

仲無聊。