雪莉仍在這裡: 10月 2013

2013年10月26日星期六

我都話我喊唔出架啦

睇完《被偷走的那五年》，

結論係...

喊唔出。

有啲興趣想知睇套戲既年齡層，

當然我知套戲係打細路至三十樓下市場，

其實如果類似戲中白百何working lady去睇的話，

例如係黃迪詩，

一定喊唔出，

仲會講：

你睇就覺得好有型好浪漫，但你試下做女人啊，一啲都唔好玩。

可能我由細到大就有類似問題，

每隔一個月就會俾人話我掛住做自己野唔理人，

所以真係唔覺得感動，

只係覺得好煩。

睇落正路黎計應該會話起初係白百何唔岩，

太強勢串串貢掛住做野又唔肯低頭，

但well，

唔洗做啊？

真係好似流星花園you name a few啊？

個個富二代成世人流流長只係拍拖拍拖拍拖就有飯食啊？

hello，

你試下白百何叫張孝全唔好掛住做野唔好咁強勢blah blah blah，

試下白百何真係好似安心亞咁晚晚痴痴貢餵你食豆腐花啊，

睇下結果會係點？

結果咪係個女人好痴身好麻煩，

阻住地球轉，

最後？

咪又係離婚。

－

珍惜愛人係重要，

白百何知道失憶前所有事後會好傷心覺得自己好孤獨純粹非常正路，

只因為當初佢從一開始未失憶前都已經非常寂寞，

有咩比起自己一直努力，

但俾自己最愛人遺棄，

出去同人曖曖昧昧恐怖？

知道左之後，

你認為一個強勢、理性既女人應該要點？

打你十四巴唔夠理性，

喊住求你唔夠強勢，

咪只有轉移視線搵其他依賴。

當初佢如果唔係咁做的話，

點做creative director?

我覺得未至於要為自己強勢道歉，

因為張孝全扭計又唔直接扭，

搞埋啲小動作搞到白百何精神緊張，

基本上強勢 -> 忽略 -> 覺得被忽略 -> 扭計 -> 更加強勢 -> 更加忽略 -> ...... 係一個不能改變既循環，

我立場黎計，

做野已經咁撚辛苦，

仲要搞咁多野，

仲要係最忌既搞搞震，

逼到個老婆搵心理醫生，

你想個老婆點樣對你溫柔？

當然白百何依賴心理醫生，

同心理醫生上床係錯。

如果（假設）會逼到白百何去搵依賴的話，

其實張孝全都應該係好忙，

我又唔多見白百何有投訴。

－

由套戲開始第一秒，

白百何非常任性要控制自己人生所有事，

完全唔理人感受亦唔理人點諗，

基本上張孝全只可以捱打同跟住白百何個flow做野，

就連自己生命存亡都要任性地自己決定，

無諗過張孝全其實對佢既愛足以照顧佢一世，

仍然選擇賭一鋪，

我唔覺係偉大為對方諗，

因為佢無同對方討論過就落決定，

100個百分比中有90％成份係任性。

到最後，

逼到張孝全要徹底失去白百何，

其實，

都係源自於白百何任性。

最後一刻，

張孝全都係跟住白百何個flow做野，

白百何都係非常任性。

－

都係果句啦：

公主王子，

唔洗做咩？

唉，

我都話我好冷血，

真係喊唔出架啦。

P.S.

我睇左《愛．慕》。

2013年10月17日星期四

再見

靜坐在聖馬丁圖書館quite zone第五日，

剛開始做research的首個星期必定會迷失，

由其當你朝十晚八地不停看很多資料，

只能期望那「叮」一聲的那一天及早到訪，

而經驗告訴我如果想早日被叮，

就絕不能放棄離開圖書館與書本，

只可以繼續用最大耐力與inspiration作戰。

情況猶如foundation那時放手一搏只報了一間學校那般，

Final year，

其實沒有零點一立方空間讓我跌倒，

一跌，

多年的努力與拚鬥也會毀於一旦，

背負著的會徹底崩潰，

絕對不能輸。

那種壓力，

不單是外來，

更是我對自己的大部分期望。

－

愈大愈難太放肆的任性，

反正從來也多災多難，

沒太多時間每件事也去哀悼，

凡事都去任性。

如此之下慢慢學會了理性，

因為用邏輯好好想過後，

也就不會再有什麼要放肆的原因。

曾經認為，

愛情是雙方一起努力打拚未來，

回家後溫柔地抱擁一下，

與對方分享自己所喜愛的，

於疲累跌倒之時互相扶持，

沒風浪時於背後默默支援，

給對方力量不顧一切向前衝。

多次失敗以後，

此理論或許太理想化，

單靠愛並沒太大作用，

這世界還是需要無窮的佔有，

我的一套，

應該永遠不能於任何一場戀愛中成立，

或許，

太努力於理想而把一切都放在較後位置的人，

永不能順利談好一場戀愛，

只能每晚與自己的書本相擁進睡。

當你因為認為生命中已有一個很愛自己的人而放心外出打拼時，

對方並沒體諒你正為未來努力，

只覺得你已忘卻了對方，

然後突然把你完全刪除，

那種不信任與輕蔑，

比起一切都要冷酷。

之所以能安心沒如焦慮症般二十四小時看著電話，

不過是因為感受到對方的愛而把心安下，

而最可怕的，

是你才剛開始把心放下打算奮力與Final year進行一場殘酷的搏鬥，

突然一切都如燈泡壞掉般，

「啪」一聲就只能掉進垃圾堆了。

－

說起放下心的那一天，

在回英國上機的那天，

因為家人送機的關係，

他原本到了機場但沒有告訴我就自行回家。

掛掉電話，

依依不捨地哭著上機，

心裡想著，

這個人必定會很耐心地等我，

而我也想著，

還好特地多留兩個星期才回英國，

值得。

下機後，

等Flatmate一同回家，

Flatmate見到我第一時間把他於機場交給他的香蕉蛋糕給我，

那是我很愛吃並吵嚷了很久想再吃的香蕉蛋糕，

還跟Flatmate說他下年也會再到倫敦。

回租住的臨時住家，

看著一片頹坦敗瓦，

萬分不願開箱收拾。

那時我打開了香蕉蛋糕，

吃完後馬上乖乖地開始執拾，

不消三天把整間房整理好，

我一直認為，

那就是愛。

就在那刻，

我作了一個很錯的決定，

我決定安心的面對Final Year。

從那天起，

想著他常常非常長氣地叮嚀身體要健康，

每天都會早晚喝玫瑰蜂蜜保養身體；

想著他為我選了最安靜的最舒適的那房間，

想著他把搬家時把箱子都放得好好的以免我會跌倒，

每隔三天就會吸塵打掃把房間整理得異常乾淨；

每逢外出夜歸必定非常小心不再胡亂橫過馬路，

不再非常緊張的不停看iPhone，

由於日間太忙關係，

沒累得馬上睡著的話，

看BBC撐著等到十二點打個電話再訓。

我一直認為有人在愛著我，

一直認為有人會支持著我。

我一直認為那就是愛。

一直認為不用把所有事都肉麻地說在口邊。

只著眼於大方向，

而沒在意小問題，

認為一切小問題都能解決，

只要不放棄就什麼都有辦法解決，

於生活上成立，

但於戀愛中徹底地不具任何效力。

顯然，

我的獨立，

把一切所有都不費吹灰之力地毀滅，

我那如特異功能般的堅強與理性，

只能於每次戀愛中激起對方更強硬的抵抗，

然後用比我更堅硬的方式把我徹底掉下。

還好村上春樹先生常教誨，

失去是一種不能避免的成長過程，

一切也只能如此。

－

終於等到星期三的完結，

完成三天的課與圖書館困獸鬥，

明天可以晚起少許，

終於可以放縱一下。

擦乾眼淚後，

明天晚起後，

又要繼續於圖書館搏鬥。

還是不會死，

還是不會輸，

儘管沒有人會明白。

即使半夜睡時，

雙手會有點涼。

2013年10月12日星期六

回憶宮殿

今日本身去Saatchi Gallery但無開，

改去Victoria&Albert Museum閒逛，

其中一個exhibition名為Memory Palace。

展覽由一本書作出發點，

再由二十個藝術家製作藝術品詮釋Hari Kunzru Mermory Palace故事，

其實我並非全然了解整個構思，

但內容大概為千年後未來，

現時倫敦將會成為猶如希臘廢墟，

所有人將失去記憶，

早前睇另一本書《建築變形記》論述建築本為人類用作留下記憶里程碑之用，

Memory Palace是為標示人類存儲記憶之宮殿。

由於未睇本書，

只有零碎記憶，

有一part應該係講科技世紀極權主義下人生存無須有任何想法，

因為想法並非人類生存必需品，

只需要得到清水用作生存之用，

主角每當想記起被洗腦失去記憶前自由或民主即被毒打，

未來極權主義下如1984或Fahrenheit 451般空洞可怕。

－

有一part道出科技氾濫下，

人連最基本A-Z都要上網google，

失去最基本人類文明應有知識，

而網絡於極權下可被監控，

猶如秦始皇焚書坑儒。

由於人類文明已被遺忘，

故人類為求生變得暴戾，

重回最原始弱肉強食社會。

－

另一part講人類於未來極權下被思想囚禁，

When they took me back to my cell,

I lay on the floor,

watching the jewels in my memory palace spin and turn,

gorgeous and bright.

For the first time I could see them,

not just in my mind's eye,

but in reality.

They were very beautiful.

當一切已成過去，

人類從前無珍惜手中自由，

一切只能成為記憶埋藏於memory palace之中遠觀並被漸漸遺忘，

they WERE very beautiful。

－

最深刻一段為探討死亡前最想留下之記憶，

其實人類最渴求的，

不過為最簡單基本自由與生活。

I am curled up on the bed,

thinking about the end,

when I noticed that I am covered in dust.

I watch,

in wonder,

as a drill bit pokes through from the other side.

Slowly the hole gets bigger,

until it is about the size of an ancient coin.

"Put your ear against and listen."

It is a woman's voice,

low and urgent.

I do what she say.

"We don't have much time. The fellowship have sent me. You must download."

"I am going to die."

"Yes. I'm sorry. If you could get you out. We would.

You are going to die and you'll be forgotten unless you download.

I will receive all your memories. I will keep them safe.

This is what we do for the dying."

I am permitted to add one memory of my own to the store.

This is what you choose to tell her.

I am walking over a green field with my lover.

In front of us scampers our cowardly little dog.

My lover and I hold hands.

I see her long dark hair.

Feel cool pressure of her hand in mine.

We walk over the field.

Up ahead is the brow of a hill.

In a moment, we will reach the top and be able to see the view.

This is what of mine will survive.

而最起初第一part名為，

The art of memory,

how to remember。

－

從來唔明白點解人要逼自己忘記某些事，

因為當忘記透徹以後，

突然間好想記起一件事，

而無論如何都記唔起時，

會突然發現四周非常陌生，

失去記憶，

著實係一件非常恐怖既事。

世上所有事都會失去，

但至少人生並無白過，

記憶宮殿中有磚有瓦，

總比空無一物更充實。

現代社會數碼世紀時代，

記憶實在係一門藝術，

當所有事都可以隨意地一下子delete，

relationship只係facebook其中一個按鈕時，

人類未來將會連最基本既remember演變成為一種特技。

唔好再任性地希望忘記所有事，

因為當你好想記返起時，

將會非常痛苦，

不如《無痛失戀》於消除時還能重遊故地，

仍能嘗試挽回，

忘記，

就只會單純地忘記，

如燈泡突然斷線，

就再不能重新啟動。

還會想忘記嗎？

接受並面對自己曾經有過既過去，

好好保存吧。