玫瑰色的妳

我發現自己愈黎愈誠實，

例如人地話sherry你肥左喎，

我會好順口地講一句係啊肥左好多添。



又例如人地話sherry你facebook張相唔同樣既？

咁如果我放張一樣既相又何必開facebook？

開facebook意義就係放假圖。



誠實到令人牙癢癢。



細個仍然有港女的自尊，

真係講下都黑面，

自從去左london知道世界好大之後，

唔再需要扮啲咩，

因為實有人勁過你，

不如誠實面對自己，

至少我活得比較開心。



何況，

如果我話“唔係肥左好多姐”，

人地又會唔會覺得我無咁肥？

我話“都唔係好假姐”，

人地會唔會覺得似返啲？



唔會。



不如俾人侮辱前自己侮辱左自己先，

將不合理自信地夾硬合理化，

有得用下把賤口串下自己唔好蝕底。



－



吹水呢回事我曾經都神級，

但呃人首先係要連自己都呃埋，

咁先可以完美地演繹一個大話。



例如我愛你，

首先要呃自己"真係好愛你"，

為愛訂立一個屬於自己既定義，

再慢慢洗腦打入潛意識，

就可以完美地發揮所謂我愛你。



後來諗通返回現實，

係inspired自王迪詩一本書，

因為無論你點呃自己，

人地都係會睇得出，

而拆解到王迪詩某些迷團覺得hmm..that's not cool，

自此我就做左誠實好孩子。



雖然無左老作虛榮感，

但開始嬴得有型之名。



同埋唔會驚某年某月某日一失足成千古柒。



加上，

我又覺得已經無咩必要再理人點睇我，

因為我發自內心好鍾意自己缺點，

我懶我串我自我中心我生活白痴我野蠻任性，

我同自己缺點相處得好好，

無打算改變，

仲打算發揚光大，

過得非常快樂。



我又唔覺得需要扮唔鍾意粗口唔鍾意古惑仔，

因為我真係好鍾意陳浩南而唔鍾意童顏巨乳。



實情又係我有冇腦成就如何，

老豆話齋唔洗下下講出口，

人係有眼睇既，

有腦同無腦一樣，

無得扮，

又如氣質呢回事，

錢係買唔到。



月有陰晴圓缺，

此事古難全，

我愛自己個靚靚尖角，

無必要為人磨圓，

磨圓左sherry就唔再interesting。




至少我覺得自己好interesting。