世事皆是局與伏

今朝突然陽光普照，

倫敦生活咪就係你連續出左成個禮拜街都大風大雨，

唯一一日唔想出就即時風光明媚囉，

認命啦，

咁大太陽你唔係留係房食急凍魚腐撈粗加菜下嘛，

但seriously唔知點解我永遠出親old street個tube station都會落雨，

經驗所及真係粗口都費事講，

咁我咁偉大為著普羅大眾遊客著想都係出去睇個exhibition啦，

倫敦唔落雨邊係倫敦黎架，

等我協助你地真正體驗倫敦生活啦。



啊，

咁話明係突然，

當然唔會帶遮，

但實情又係就算唔係突然，

我都唔會帶遮。



－



又話說琴日陪朋友去買手提電腦，

嘩真係唔走出蘋果魔咒都唔知世界仲有其他手提電腦而且仲係用緊window7，

well，

咁同樣都係唔望唔知原來而家啲電腦除左抄Macbook Pro果堆醒目仔之外樣衰依舊。



朋友睇中部Monster beats x HP既evny7，

一千二百九十九鎊，

嘩呀朋友仲唔係全場最貴係你買左仲唔威盡John Lewis張卡仲唔爆，

但當你見到sony講句fuck,samsung講句shit,toshiba講句柒既時候，

向來善解人意既我都完全收到哂佢既難處，

我明架我真係明佢係被逼架，

另一個無得輸既重點係"連．香．港．都．無．得．賣"，

喂講完啦。



我從來唔會阻止人買野，

頂多循例陪當事人懶係struggle下浪漫下發下姣又欲拒還迎下，

我既effort都只係幫佢搵部平d既等佢玩返三五七個鐘姐，

有時既野主意已決真係講多都㗰氣，

所以我一直奉行：高手不做多餘事，乖乖地坐低飲啖tea，

又正如我啲朋友永遠只會全力支持我去死，

得閒打個電話返去講句死唔去就得啦。



－



其實世事都係方程式黎姐，

本身你揀中條數已經有答案，

揀左條題目之後，

都只係要根據個答案去解條數，

咁又唔係100％一定要跟死一個方法去解既，

但你知個答案都係跟住同一個方向，

大同小異。



計計下發現用錯方法咪重新再計過，

重點係一開始就已經揀定左計邊條，

無得改變，

可以中途離場，

可以死守到尾，

但結局係唔會改變，

無得轉個頭改左條方程式去就返自己個approach，

你可以選擇既只有計同唔計，

所以我一向都意見接受態度照舊。



－



戀愛最開心曖昧，

買野最緊要struggle，

ok無問題小妹食得你碟燒汁炸豬排飯就預左俾你struggle，

咁你都好醒目地帶定個iphone charger俾我，

ok慢慢struggle啦而家easter你頂多咪tea到六點，

又有carrot cake又有lemonade無得輸啦。



世事皆是局與伏，

共通點都係個局&伏係被動要你自己心甘命抵地中，

算啦，

無得輸架啦，

俾錢啦。



－



話說回頭，

今朝打個電話叫朋友去附近breakfast club食個all day breakfast，

非常認真地話你聽英國就只有all day breakfast比較似人間煙火，

各位都真係應該留係香港間brick lane而唔洗真係黎倫敦個brick lane。



飲啖English Breakfast Tea多沙多奶再整啖baked beans伸個懶腰，

我又唔否認的確係夫復何求，

都係如之前所講食個生活態度姐，

塊食唔出係薯餅既薯餅？

算啦。



朋友問：

點解你日日都可以心情咁好？



哈哈，

第二朝訓醒所有野都重新開始架啦，

咁仲有咩應該要唔開心？

要走既留唔住，

要留既同樣走唔到，

只要夜晚唔好touchwood有啲咩事，

無驚無險，

又咪訓到十二點。

ALL YOU NEED IS ME

晚上突然想靜下來看一下真正的中文字，

苦惱該看些什麼時想起了快有一年沒看的王迪詩，

她還是那麼誇張，

老實說誇張得有點過火有點假。



算了吧，

自己還不是與她的人生觀不謀而合，

世界太死寂，

加點浮誇確能令世界不至於太絕望，

世事本質皆無聊，

細心留意下微小事物再加啲drama咪唔悶囉，

唔洗下下真係要落club飲到嘔十次先返屋企既。



－



一直戴慣Marshall Major黑色大耳機，

今天終於忍唔住白色的誘惑買了一個Minor小耳機，

雖然還是認為Marshall的耳機總是差一點點差一點，

但我這種講求外表70%的小女子還是敗給那英俊的外表，

況且它總是剛剛好符合我對聽歌的要求，

岩架啦，

係你啦。



老老實實，

重bass超高清有何用，

一直覺得網上review係廢，

我真係唔會上open rice因為你覺得碟野好食我就覺得佢特別好食，

正如我覺得義順牛奶公司絕對係大比數拋離澳洲牛奶公司，

同樣我唔會因為she.com某位絲打話某支cream好用而放上自己塊面，

塊面係我既，

關你咩事姐。



要求要有，

但最緊要都係適合自己，

小妹又唔係咩超級耳機發燒友，

只要佢俾唔到我要既野，

幾萬蚊但我唔鍾意同樣唔會識得欣賞，

我都係聽愛上殺手姐，

平平地ok架啦。



朋友話唉佢真係好黑我憎但我又真係好鍾意，

當世上十個有九個都是仆街時，

而又當世上十個有九個女仔都鍾意仆街時，

何不揀個自己鍾意又靚仔既仆街。



－



睇到王迪詩quote Yves Saint Laurent名句：

“The most beautiful make-up of a woman is passion.

  But cosmetics are easier to buy.”



多謝YSL識得欣賞女人既passion，

世上唔係好多人欣賞女人有PASSION呢件事，

有啲男人覺得係壓力，

有啲男人覺得你好煩，

有啲男人覺得你太好勝，

有啲男人覺得你太主動，

反正呢我就唔明點解男人有passion叫有熱誠有目標有方向，

女人有passion就叫八婆同嫁唔出。



其實我又唔係話好有passion，

但對所有野都唔知點解地好有興趣，

你同我講星座又得AV又得反正咩都可以吹返兩咀，

近排聽到另一個講法係覺得我既passion已經唔止熱情咁簡單，

係直頭好aggressive所以令某些男人好大壓力，

oh well，

咁講真閣下要沉淪要廢無理由賴我上進有野心下嘛，

話我癲之前不如檢討下閣下做人態度先，

點解我唔可以係inspiring而必定要係俾壓力你，

真係麻鬼煩，

世界真係唔係圍住你地轉。



sorry，

近期真係有感而發，

真係唔該你地唔好自己廢就賴地硬，

咁女人有passion時你地都可以有姐，

我又唔見女人會鬧你地太有passion，

男人真係俾父權社會寵壞哂，

凡事唔係檢討先第一件事賴女人，

算吧啦。



－








:)

半夜落七仔叮個肉醬意粉

話說Tim與Fiona去完一轉Florence後只係被人偷左兩部iPhone，

執返身彩返黎食慶功飯，

又開電腦睇春嬌與志明，

其實已經睇第三次差啲第四次，

當然今次我一路聽一路睇書未至於癲到又再睇。



有四五位朋友讚揚我好似余春嬌，

一路睇時一路情不自禁地諗起我，

當楊千嬅講收皮啦同你條仆街時真係形神俱備，

其中一位朋友回憶起我同佢講過：

“仆街仲企係度望電話，去人屋企樓下死纏爛打啦。”

而佢又真係因為我句仆街追返個女朋友返黎就結婚，

有時真係咁岩得咁橋想唔認都唔得。



其實所有人身邊都總有一個余春嬌brenda張志明，

而余春嬌係主角，

代表本人係好多人生命中屬於主角系列，

ok fine我接受，

我好樂意做你地心目中既余春嬌。



－



又話說琴晚去chinatown食叉燒燒鴨飯順手補倉，

朋友話原來我地附近有一間中國超級市場，

其實真係唔好俾我知係邊，

成日有得食就無左個深層意義，

去chinatown背後個意義係：

你老味食左半年垃圾蕃茄意粉，

係時候去食個黯然銷魂四寶飯。



然後特登滿心期待地去食一個燒味飯，

天堂體驗完一個鐘後，

再等下一次懷念。



－



岩岩係廚房煮魚旦雲吞河時，

flatemate問怎麼你們香港人這麼喜歡吃這種白色的魚丸啊好腥喔，

還有那個河粉，

沒有味道的啊。



雲吞魚旦河既精髓係背後個意識形態，

放復活假閒日無無聊聊同細佬訓到一點幾起身，

頭唔梳踢對新monday送既人字拖落街食碗魚旦粉，

其實九龍城間德昌魚旦粉真係唔知有咩咁好食，

個個禮拜六日都一班傻仔係門口到排成粒鐘隊，

老實講轉角位間茶記雙丸河先係溫馨感動之作，

講到尾都係香港人精神，

排完隊粒魚旦特別銷魂。



然後Flatmate望住我差唔多倒哂成支李錦記紅醋落碗雲吞魚旦河，

佢話：你們香港人啊還真咀刁，

吃什麼都要customize一番才肯放進咀裡，

看那些外國人啊給他們什麼就吃什麼唄，

你們啊又多蔥加醋走豆芽，

麻煩那。



我一直好欣賞香港地道飲食精神，

魚旦河重點唔係魚旦都唔係河粉，

而係唔同人如何去令碗食之無味棄之可惜既魚旦河有個性有靈魂，

換句話講，

做野唔洗做足100分，

香港人好叻凡事留一線俾個位你自由發揮與發展潛能，

當然同時香港人係有能力將一碗只係ok合格既魚旦河變成120分離哂譜既人間美食，

講真，

所有野都係平平無奇，

九成都係靠自己調味。



就好似張志明鍾意食七仔肉醬意粉，

肉醬基本上係水溝油意粉硬又無味，

同樣真係食背後個理念而唔係為飽，

“半夜落七仔叮個肉醬意粉”，

實情係凌晨自己一個落街散個步靜下件事好浪漫，

同碗野味道完全無關，

味道，

都只係一個記憶點。



除左呢個原因，

我都真係解釋唔到點解中一二時成日放學同朋友去七仔叮難食到嬲既燒賣魚旦，

落哂成支甜豉油都遮唔到燒賣陣膠味，

十朝有九朝都食魚肉燒賣做早餐，

我真係知食得多係會死架但我真係好想食，

有時又真係慣性地食費事用腦諗，

唔食都食左八朝，

食埋今朝無所謂啦。



當然仲有同邊個去，

行過去途中發生過咩事，

係七仔度hea一輪廢話，

認真真係廢到連邊盒奶個紙盒靚啲都可以嘈半個鐘，

至於碗燒賣魚旦？

算啦。

傷逝

突然手痕google了自己的xanga，

第一次把傷逝放上blog的是2006年10月19日，

六年前，

十四歲。



還記得中學畢業後第一次重聚，

一起在K房唱葉倩文的傷逝，

那突然很完美的和聲，

難得大家都沒有走音，

唱完還嘩一聲話咁好聽既，

到現在，

還記得一清二楚。



那時的我們，

歡歡喜喜，

還未預備別離，

總相信永遠都有好天氣。

隨後的幾年，

我們都不能避免傷逝傷逝，

分手了，

又在一起了，

又再分手了，

又再一起了。

陪情人時whatsapp，

沒情人時致電，

轉了幾個round，

情人換了好幾個，

Facebook status轉過N次，

還有那些沒公開加埋都快有N+y次。

同學會固定會員還是那幾個，

轉眼就快十年，

我們都好像看化了些什麼，

到現時為止，

我仍然相信與這班朋友會走到永遠，

但愛情，

真的與友情置於截然不同的category。

－

擁著自己的新情人好讓舊情人回望，

擁著自己的情人看舊情人的新情人，

擁著那所剩無幾的回憶看著新情人，

擁著那食之無味的情人看著舊情人。



擁著那些得不到的愛，

謝謝互相沒討厭對方，

又或是，

擁著那些終究不能忘懷的愛，

繼續互相討厭。



一半的我們，

仍在堅持去追一些虛幻的浪花，

一半的我們，

已經算數了要來便來要走便走，

反正一切，

都很難走到永遠。



快樂的，

看起來好像很快樂，

傷心的，

就像是從沒傷心過，

追求的，

仍在追求些什麼，

沒再追求的，

暗地裡仍在心底祈盼著什麼。



反正，

你負我我負你你愛我我愛你，

一切都是會失去的，

我們都好像沒有再怕些什麼，

其實都已經無得輸，

再者嬴又點輸又點，

愛過的，

能愛的，

都不要浪費。

我們現在擁著那些新仇舊恨，

再在K房中唱一首傷逝，

喝的不再是熱檸蜜，

而是啤酒和芝華士綠茶，

最後得到的該不單是完美和音，

而是我們這些年多的經歷與苦笑。

－

天崩地陷已不足為奇

最近好像做了很多事，

看了很多很多電影而不自知，

去了很多展覽不自覺，

除了柏林的那些戰爭紀念館外，

近期去的展覽大多很輕鬆，

可能因為是easter檔期吧，

在倫敦的有草間彌生的pokka dot世界，

（題外話：她認為pokka dot是愛的表達，那些pokka dot是人埋藏在體內愛的細胞，
                    她要把世上被堆藏的愛表現出來。）

年度設計展與David Shrigley的Brain Activity。






























David Shrigley的作品大多取材自生活，

上圖那是一隻爛牙而那塊鏡等於牙醫用作檢查牙齒的鏡，

原來平常我們看不到的爛牙背面是長這個樣子。

我站在牆前觀察那是否一隻真的老鼠，

然後那個很high的security說：are you scared? it's died.

抱歉我白痴到在想dead是否表示那隻老鼠是真的，

突然背後出現一個邊大叫邊哭的孩子，

他跑到老鼠前一腳把他踢到一個很深的角落，

發出清脆的桌球撞擊聲，

那一刻我意識到，

那是假的。

轉個頭看到這幅畫，

security問我和旁邊一位女孩對這幅畫有何看法，

我說，

what do u think?

然後他在gallery中發出女性床上呻吟聲。



有些時候，

你總是會莫名其妙地遇上一些很inspiring的人。



－

棒棒糖裡的是螞蟻，

我的觀察是那些螞蟻沒有爆汁或被壓扁，

從它們的色澤、斷腳的清澈度看來，

那些螞蟻應該是新鮮的，

所以它們是活生生走進糖漿再冷卻成形的，

換言之，

它們是死在那支糖裡的。



根據janiceman版為你鍾情，

那些糖漿中的螞蟻溶化後，

應該是會在肚中復活的，

阿們。

還有一支原隻蠍子Vodka，

相信大家都知道蠍子米酒是男性恩物，

我諗Vodka應該都係米酒d fd卦。



又再根據小妹觀察，

那隻蠍子已被標本化甩成灰白色，

換言之，

應該都有返咁上下歷史。



oh well，

小妹有幸成為black jack倒數第二，

嘗了一口新鮮螞蟻，

直至現時為止，

螞蟻玲瓏浮突的質感仍在我的舌尖徘徊。



那位on9的包尾吞下了整支50ml的蠍子大補酒，

噢，

連蠍子。



相信他的雄風能維持一晚，

成為華人之光。



*http://edible.com/shop/insectivore/




－

看了The Artist，

那應該是電影的發展史紀錄片多於一部愛情黑白片。



男主角代表的是1920年代的紀黑白默片，

女主角代表著隨後活潑生動的黑白有聲片，

男主角看到了女主角的活力，

一手把她帶進了戲劇世界。



男主角習慣性演開默片，

不願走進有聲影畫的洪流，

所以在那轉變的時刻，

發現自己失去聲音，

他不單是一位演員，

他是一位入了骨有堅持的藝術家。



女主角走進了有聲影畫的大時代，

名利雙收，

男主角被遺忘，

遇著了經濟大衰退，

變賣家當貧困潦倒。



與其眼睜睜看著自己曾經有過的輝煌，

倒不如一把火把它們燒掉，

一不小心自己就困在房間，

差點就與自己的影帶同歸於盡。



但他即使死到臨頭，

還抱著那部跟女主角初遇的無聲電影，

他愛她，

無奈時代遺棄了他，

最可悲的不是被遺棄，

是他自我放棄。



她愛他，

所以她在他變賣家當時把它們全數購下，

默片的基礎對後期有聲片作很大的幫助。



然後，

女主角強行扶助男主角重返片場，

高傲的男主角更感無力，

萬念俱灰，

與其讓人判自己死刑，

不如先自行了斷。



女主角在他要自毀時趕到，

救了他，

如何保留默片的爽快節奏與有聲片的豐富內容？

那是後期的歌舞片。



－









近日金句：

“好吧，

讓我們一起去死吧。”